Popular Bible Verses from MATTHAI 2

Ingchung luo kha amaa ngie ca haatiy kha a nung Mary hne ama hmung; ama pakhuv pane yi te ama kha amaa bie. Cakhutaata, ama suethiy thingkaw kha pahaw yi te, ama lasaw: siy, frankinsens ziyhmyi, hne mura ziyhmyi kha ama pihluo.

Herod siepahruo a cuo nguoluo ning, Judea pe Bethlehem khy lie Zingsuv a puv khutaa khata ningchiyluo taata mingsing tie kha Jerusalem luo vya chiy yi te, “Judah siepahruo, zaa puv thaapa haatiyta ca khaapaliema a aw? Tahematapakieca a aasiy aa luopa kha hmung pate na ama kha abie riypata ma vya chiy,” ama ta.

Aasiy aa daapa ama hmung tiyta ama palung a tluo hringhruo.

Herod'a luo kaa li riypata ama muo lie a raaringna pipa ama cuo nakawta, luo hrang ziy yi te ama ruo luo kha ama kaa. Iema ama si khutaata Abyipa avuoming pakha ca Josef muo lie kha a luo te, “Thu la, haatiy hne a nung kha la yi la Izipt ruo luo a ruokhyi tie yi, tahematapakieca Herod na haatiypa hing thie riypata a huv aa, kama ta kaa riypata ica chang hluo li capa lie ca nama aw caw aa,” a ta.