Popular Bible Verses from LUKA 5

Share

Bieri a patlung khutaata Simon kha, “Na sawkawpalaw hing tiy aa thuv viena luo hnyi la naa sue kha vaa tie,” a ta.

Simon ta, “Abyipa zuokhydyi ma vaa law pata sakha hmuo pa-uo vapuv. Cuorasala vaa ung la malie na ta kieca i vaa'a tle,” ta pata a palie. Ama vaa ca ngaa a hluv hringhruo ama pa-uo nakawta amaa sue ca a tlaapuo diy'a nang.

Cuorasala Zingsuv ca zuvpathla te ruoduona luo kha cakuo te thlaa a chuo.

Kama ca aa dangpa tie ku riypata a vaw va ang, a suepa tie sue a ngiepachiyna luo ku riypa tana i vaw,” ta pata a palie yi.

Simon ta capa ca a hmung tiyta, Zingsuv phyi thabaw lie kha a pakhuv pane te, “Abyipa, na cakuose tie, tahematapakieca a suepa tana i cuo!” a ta.

Zingsuv ta, “A tluopa cawsaa tie ta ca siyybyi a hu va yi, cuorasala a pasapa tie ta ca amaa hu.

Ama sawkawpalaw ca ngiekuo lie kha padaa yi te, ama chechiy bangkhuo kha thuse yi te Zingsuv ca ama ziy.

Luo kha ca Zingsuv kha khypuv suokha lie a aw ningta capa khy lie ca caahminghmaa a phyapa paa kha a za aw. Capa paa ta Zingsuv kha a hmung tiyta, a hmiekunglie kha a bu te, “Abyipa, na khing pata a cuo kieca ina pathe sa khu ciy,” ta pata aa nue. Zingsuv ta a kuv va pazuo te, ama kha hrie te, “Ica patluo sa khing. Pathe tie,” a ta. Capa paa ca sungkhabala ta a tluo.

Cuorasala Zingsuv thuohlaa ca ning hrang laa khata a pathuo vie hryly, cawsaazaapuv ta a bie naathlie riypa hne ama pasana taata a patluo sa riypa yi ta ama kha amaa vya hmyasue.