Popular Bible Verses from JOHAN 15

Share

Kama ca mingsuv kung cuo angte niema ca a ce tana nama cuo. Ahunghmuo cuose kama chunglie aw te kama zaw ama chunglie i aw kieca thyi a hluvsa a pathyi aa, tahematapakieca kama li pata ca nama tue khupa khaapahmuo aw vyi.

Kama hne a pazue ung la kama zaw niema kha icaa pazue ra'a yi. Mingsuv ce ca a kungpuvnung lie aa pazue li kieca amata tah a pathyi khu lipa haata niema zaw kama chunglie nama aw li kieca niemata tah thyi pathyi khu'a va ung ciy.

Kama chunglie aw ung cate i bie kha nama chunglie a aw kieca, nama khingpa bangkhuo kha naa hie ung la tuepa pata nama cuo aa.

Niema ta naa tlaw va ung ciy, cuorasala kama na caa tlaw yi ang. Kama ming ta ama'a luo nama hiepa bangkhuo kha Paa ta aca pi riypa yi ta aa hmangpa thyi kha va pathyi tie ung ta pata re ica chang yi.

Viesaa cuota hringna a pipa duena laa hingta a le viepa duena ca ahungtahmuo hnyi vyi.

Kama chunglie a thyi a pathyi lipa ce bangkhuo kha a pasepathla diy. A thyi a pathyipa ce mekaa kha a pathyi hryly riypata a pathe.

“I nawbie ca hingpa hing tana a cuo. Kama ta niema ica duepa yi haa hingta pakha hne pakha kha a due ra tie ung.

Thyi a hluvsa nama pathyina thue hingta i Paa rungnaana kha paluo sa ung cate kama naa ziytuv nama cuonapa ta a cuo.

“Kama ca mingsuv kung hmisipa ta cuo angte i paa ca mingsuv diedung a hnyituv ta a cuo.

Kama chunglie a aw lipa ca mingsuv ce caapa haa khata ale luo thaw pata nama cuo aa. Cahaapa a ce zaw ca pahmya yi te myi luo kha thaw yi te a kuo diy.

I palungtluona kha nama chunglie aw te namaa lawna ca a tling riypata hingpa bie hing ica chang yi.

I Paa phungbie kha ziy angte a duena chunglie i awpa haa hingta i phungbie nama ziy pata a cuo kieca i duena chunglie hing nama aw aa.

Niema pakha hne pakha namaa due riypa tana hingpa nawbie zaw hing ica pi yi.

Chuelyi huopa ta cuo ung la ca chuelyi hingta a huopa haata aca duesa'a yi. Cuorasala kama ta chuelyi taa hingta caa tlaw yi angte a huopa nama cuo li tli nakawta chuelyi ta aca hue yi.