Popular Bible Verses from JOHAN 14

Share

Thlaalungna na ica chipa siy yi; kama thlaalungna na ica pi yi. Chuelyi ta aca pipa haa yi ta ca pi va yi ang. Nama palung rie thyi khah se, ciyna zaw hnyi khah ung.

Zingsuv ta, “Kama ca luopuv, hne biehmisipa, hne hringna ta i cuo. Kama'a taata ta li pata ahunghmuo i Paa'a luo chiy the va yi.

“Pathiypalung rie thyi pata aw khah ung. Khazing kha zang ung la kama zaw hing na zang tie ung.

Cuorasala i Paa ta kama ming ta a za pathlie riypa Byatuv Thlaapa Pathe ta hmangting kha ca pacuv'a yi te ica changpa bangkhuo yi kha aca pathyi sa pakhaa'a yi.

I nawbie kha cuhluo te a ziypa ca kama naa duepa ta ama cuo. Kama naa duepa tie ca i Paa ta a due ra'a yi, kama zaw ta due ra'a yi angte iema'a lie kha i phu aa,” a ta.

Paa kha hie'a angte niema'a lie chuozaa ta caa awkhyi riypa yi Byatuv hrangpa kha aca pi'a yi. Ama ca biehmisipa Thlaapa, chuelyi ta a cuhluo khu lipa ta a cuo, tahematapakieca ama ca chuelyi ta a hmung buo li nakaw hne a pachang buo li nakawta a cuo. Ama ca niema'a lie aw te, niema chunglie a aw'a nakawta niema ta ca ama kha nama pachang.

Paa ta Sacapaa thueta rungnaana a hmung riypata kama ming ta nama hiepa bangkhuo kha i tue aa. Khaapahmuo cuose i ming ta kama'a lie nama hiepa mekaa ca i tue aa,” a ta.

“Ina due kie ungca ca i nawbie kha nama ziy aa.

I Paa ing lie awna riypa a khuo a hluvsa a aw. Cahaacata a cuo li kieca, niema awna hmang tue daw riypa tana i si, ica ta'a yi ma?

Si'a angte nama awna riypa hmang ica tue daw khutaa yi ta za kaa pakhaa'a angte kama awna lie nama aw ra riypata niema kha kama'a luo ica la'a yi.

Thomas ta, “Abyipa, khaapa luo ma na si tapa kha pachang vapuv. Tuokhaatama luopuv ca ma pachang the aa?” a ta.