Popular Bible Verses from ရောမ 7

Share

စွဉ်ႏ​နီ​ဗွေႏ ယေ​သျု​ခ​ရစ်​တောႏ​တဲင် က​ကယ်ႏ​ထန်ႏ​ဖေႏ​ဒါႏ​နီ ဗွေႏ​ဘု​ရာꩻ ကေꩻ​ဇူꩻ​တောႏ​နဝ်ꩻ အုပ်ꩻ​ထင်ႏ​ဗာႏ​သွူ။ ထွူ​တဲင် ယို​နဝ်ꩻ​ထွာ ခွေ​အ​ခေႏ​နေႏ​ဒျာႏ။ စွဉ်ႏ​သꩻ​လွုမ်ꩻ ခွေ​နမ်း​နဝ်ꩻ ခွေ​မာꩻ​နွောင်ꩻ ဗွေႏ​ဘု​ရာꩻ အ​ပ​ညတ်​တ​ရာꩻ အ​မု​ထာꩻ​မာꩻ​ကျာꩻ ခွေ​လိုꩻ​ဇာႏ​တိ​နဝ်ꩻ အဝ်ႏ​မာꩻ​ဒျာႏ အ​ပဲစ်​တ​ရာꩻ အ​မု​ထာꩻ​မာꩻ​သွူ။

ခွေ​လိုꩻ​ဇာႏ​တိ အ​ကို​နဝ်ꩻ ထာꩻ​ဟဝ် တ​အုံ​သော့ꩻ​တဝ်း​ကျောင်ꩻ ခွေ​သေ​သွူ။ ပွိုး​တွော့ꩻ ခွေ​သꩻ​ကို မဉ်​မာꩻ​နေး ထာꩻ​ဟဝ်​စွဉ်ႏ​တဲ့ ခွေ​တ​မာꩻ​နွောင်ꩻ​တဝ်း နဝ်ꩻ​သွူ။

ခွေ​က​မဉ်​မာꩻ​ဒါႏ ထာꩻ​ဟဝ်​နဝ်ꩻ ခွေ​တ​မာꩻ​တဝ်း​သွူ။ ခွေ​တ​မဉ်​မာꩻ​တဝ်း​ဒါႏ ထာꩻ​ကုဲင်​နဝ်ꩻ ခွေ​အဝ်ႏ​မာꩻ​ထိုꩻ​တော​ဒျာႏ​သွူ။

ခွေ​တ​မ​ဥ်​မာꩻ​တဝ်း​တဲင် ခွေ​မဉ်ႏ​မာꩻ​ဒျာႏ ယို​အ​ဓိ​ပ္ပါယ်ႏ​နဝ်ꩻ က​အဝ်ႏ​မာꩻ​ဒါႏ​ယို ခွေ​တ​မွေး​တဝ်း အ​ပဲစ်​က​အဝ်ႏ​ဒါႏ ခွေ​အ​ကို​နဝ်ꩻ မာꩻ​ဒျာႏ​သွူ။

နဝ်ꩻ​မꩻ ပ​ညတ်​တ​ရာꩻ​ယို အ​ထာꩻ​မာꩻ​နဝ်ꩻ ခွေ​ထီႏ​ဗာႏ​သွူ။ ခွေ​က​မဉ်​မာꩻ​ဒါႏ ထာꩻ​ဟဝ်​ချိန်ႏ ခွေ​အဝ်ႏ​လွိုက်​မာꩻ​ထိုꩻ​ဒျာႏ ထာꩻ​ကုဲင်​လွုမ်ꩻ နဝ်ꩻ​သွူ။ ခွေ​သꩻ​အ​ကို​နဝ်ꩻ အဝ်ႏ​ကျွိုက်​နစ်​သက်​ဒျာႏ ဗွေႏ​ဘု​ရာꩻ ပ​ညတ်​တ​ရာꩻ​နဝ်ꩻ​သွူ။

တယ်ႏ​စွဉ်ႏ နုဲင်း​ခွေ တ​မဉ်ꩻ​မာꩻ​တဝ်း​တွော့ꩻ က​အဝ်ႏ​မာꩻ​ဗာႏ​ယို​နဝ်ꩻ အွဉ်ႏ​နယ်​ဒျာႏ ပ​ညတ်​တောႏ မဲဉ်ႏ​ဒျာႏ​ကျောင်ꩻ ခွေ​အဝ်ႏ​သ​ဘော်ꩻ​တူႏ နဝ်ꩻ​သွူ။