Popular Bible Verses from ကမ္ဘာႏစ 37

Share

တ​နီꩻ​သား ယော​သပ် ဗေင်ႏ​မင်း​ထာꩻ​တဲင် ဝွေꩻ​ထွိုင်ႏ​ခြုဲင်း​နယ် အ​ဝေး​ခို​ဖုံႏ ထာꩻ​ဗေင်ႏ​မင်း​ခ​ရာႏ​နဝ်ꩻ အ​ဝွေး​ခို​ဖုံႏ ယိန်း​လွꩻ​ထီႏ​စွဉ်ႏ ဝွေꩻ​နဝ်ꩻ​သွူ။

ယာ​ကုပ် သက်​တန်​မꩻ လွူး​လွဉ် ယော​သပ်​တဲင် ဝွေꩻ​က​ရက် ယော​သပ်​နဝ်ꩻ လွို​လဲဉ်း​က ဝွေꩻ​ပို အ​လင်​ဖုံႏ​သွူ။ ယော​သပ်​တာႏ​နဝ်ꩻ ဝွေꩻ​ဆꩻ​ခေါ်​ဖေႏ​နေး ဆဲင်ꩻ​တန်​ဆွာꩻ အ​ရောင်ႏ​စွုမ်ႏ တ​ရေꩻ​ငါႏ​သွူ။

ဝွေꩻ​ဝေး​ခို​ဖုံႏ​ထွိုင်ႏ​ထီႏ ဝွေꩻ​သီး​ဖါ​ရက် ယော​သပ် လွို​လဲဉ်း​က ဝွေꩻ​သီး​နဝ်ꩻ၊ ဝွေꩻ​သီး လွꩻ​ထီႏ​မွေး​နေး​စွဉ်ႏ အ​ဖူး​ခို​သွူ၊ ဝွေꩻ​သီး တ​ဒေါ့ꩻ​ရီ​ဟဝ်​တဝ်း​ဒွုမ် အ​ဖူး​သွူ။

နဝ်ꩻ​ထွူ ယော​သပ်​ဗေင်ႏ​မင်း​ဖျင် တ​စွိုး​တဲင် ခြုဲင်း​နယ်​ယင်း ဝွေꩻ​ဝေး​ဖုံႏ “​ခွေ​ဗေင်ႏ​မင်း​ဖျင်​ယင်း​လဲဉ်း တ​စွိုး ထာꩻ​ဗေင်ႏ​မင်း​ကို​နဝ်ꩻ ခွေ​ထီႏ​မွူး၊ လာ​တွမ်ႏ ဆာႏ တ​ဆီ​ပုဲင်​တ​ဖြုံႏ အဝ်ႏ​ခံႏ​နွမ်ꩻ​ခွေ” နုဲင်း​နဝ်ꩻ​သွူ။

ယော​သပ် ဝေး​ခို​ဖုံႏ လွꩻ​ထီႏ မွေး​စွဉ်ႏ​ဝွေꩻ​သွူ၊ ကွဲႏတွော့ꩻ အ​ကျောင်ꩻခ​ရာႏ​နဝ်ꩻ​ဖုံႏ​နဝ်ꩻ အ​ဖါ ယူႏ​မတ်​တောင်ꩻ​သေꩻ​ခါꩻ​သွူ။

ယော​သပ်​ရိုꩻ “​နီ​ဝေး​သီး၊ နာႏ​ခွေ ထာꩻ​ဗေင်ႏ​မင်း​မွိုင်။ နီ​က​အဝ်ႏ ကျꩻ​လွောင်ႏ​ဗွူ လုဲင်း​ကို​တွင်ꩻ ခွေ​ဗွူ​လွောင်ႏ​နဝ်ꩻ အဝ်ႏ​လုဲင်း​ကို အုံ​ထွိုင်ႏ​စွဉ်ႏ​ထာꩻ​တဲင် နီ​ဝေး​သီး ဗွူ​လွောင်ႏ​ဖုံႏ လွဉ်​အုံ​ဝဲင်ꩻ​ခူ​စွဉ်ႏ ခွေ​ဗွူ​လွောင်ႏ​တွော့ꩻ ခံႏ​နွမ်ꩻ​ရောင်​လွ​စွဉ်ႏ” နုဲင်း​နဝ်ꩻ​သွူ။

လွဉ်​ဟုဲင်း နီ​မာꩻ​သီ​တွမ် ဝွေꩻ​တွော့ꩻ အ​နမ်း​နဝ်ꩻ နုဲင်ႏ​သော့ꩻ​တွမ် ထီ​အုံႏ​သဲင် တ​ဖြုံႏ​ကို၊ နီ​ဒေါ့ꩻ​ဗော့ꩻ ထာꩻ​သား​မီꩻ​တ​ဗာႏ အဲင်ႏ​သီ​ထိုꩻ​လဲဉ်း​ဝွေꩻ၊ တွိုႏ​နဝ်ꩻ​မꩻ ဝွေꩻ​ထာꩻ​ဗေင်ႏ​မင်း​အ​တွိုင်ꩻ ထွာ​လွဉ်​မွေး​နဲ့ တ​မွေး​တဝ်း​နဲ့​နဝ်ꩻ နီ​အီႏ​သေ​ဗာႏ” နုဲင်း​နဝ်ꩻ​သွူ။

အ​တွင်ꩻ​နဝ်ꩻ မိ​ဒျန်​ကွုန်ႏ​သယ်ႏ​ဖုံႏ ယင်​ဟန်ႏ အဝ်ႏ​ဖျတ်​လွေꩻ ဝွေꩻ​သီး​ထျꩻ​သွူ။ ဝွေꩻ​သီး​ထွို့ꩻ​ထန်ႏ​ချာ​ယင်း ယော​သပ် ထာꩻ​အောင်​ကို​တွော့ꩻ စာ​ဖေႏ​စွဉ်ႏ ဣ​သျ​မေး​လ ကွုန်ႏ​သယ်ႏ​ထျꩻ ရွဉ်​ယာႏ အ​ဗီႏ​နီ​ဆီ​သွူ။ ကွုန်ႏ​သယ်ႏ​ဖုံႏ ဟဲ့ꩻ​လွေꩻ​ထိုꩻ​စွဉ်ႏ ယော​သပ် အီ​ဂျစ်​ခမ်း​သွူ။

ဝွေꩻ​သီး အ​ချင်ꩻ​ချင်ꩻ ဒေါ့ꩻ​ဖေႏ​လို့​ဝင်ꩻ “​အွိုး​သူꩻ ထာꩻ​ဗေင်ႏ​မင်း​သား လွဉ်​လဲဉ်း။

ဝွေꩻ​သီး​ထွိုင်ႏ​ထီႏ ယော​သပ် လꩻ​ဖျော်​လွဉ်​ဒွိုန်း ဝွေꩻ​သီး​ထျꩻ အဝ်ႏ​ညာꩻ​နေ​က​တွင်ꩻ အ​ဝေး​ခို​ဖုံႏ ရေႏ​ကျံႏ​မာꩻ​သီ​ဝွေꩻ​တဲင် ဆွုံꩻ​ဖျတ် အီႏ​မာꩻ​သီ​ဝွေꩻ​သွူ။

မာꩻ​ဆာ​မွိုန်း ဝွေꩻ​တွော့ꩻ လွဉ်း​သော့ꩻ​ဗော့ꩻ​ဝွေꩻ ထီ​အုံႏ​သဲင် ထာꩻ​ခြာ​ကို​ယို” ဝွေꩻ​က​ဒေါ့ꩻ​ဖေႏ​ဒါႏ အ​ကျံႏ​ဉာဏ်ႏ နုဲင်း​ယို​နဝ်ꩻ ဝွေꩻ​ရေႏ​ကယ်ႏ​ထန်ႏ ယော​သပ် အ​ဝေး​ခို​ဖုံႏ စူ​ကို​တွော့ꩻ ဝွေꩻ​ကျံႏ​ပ​သာ​ယင်း အ​ဖါ​ထျꩻ​သွူ။