Popular Bible Verses from ဧဇရ 8

Share

ဖေႏ​နေး​က​သျောင်ႏ​ကံ ထာꩻ​အံႏ​တွော့ꩻ အွဉ်ႏ​ချꩻ​ဖွိုႏ​သꩻ ဖေႏ​က​ဆု​တောင်ꩻ နီ​ဗွေႏ​ဘု​ရာꩻ ဆꩻ​ငါ​တဲင် နီ​တ​ဖူꩻ​နဝ်ꩻ ဖေႏ​နေး ဝွေꩻ​ဗွေႏ က​အွဉ်​နီ ဖေႏ​က​ရဲ​ပွေါး​ထွား နီ​စွဉ်ႏ​နီ​ပို​ဖုံႏ၊ စွဉ်ႏ​နီ​ထာꩻ​ခြိုꩻ​ဥ​စ္စာႏ​ဖုံႏ ကား​က​အဝ်ႏ​တာႏ​နဝ်ꩻ ခွေ​ထေ​အ​မိန်း က​ခူႏ​နေး​ဒါႏ အ​ဟာ​ဝ ထီ​ခြောင်​တန်​ထျꩻ​နဝ်ꩻ​သွူ။

နီ​က​အဝ်ႏ​လွေꩻ တ​ဖူꩻ​ချိန်ႏ က​အီႏ​အုံ​ပွေါး​ရံႏ​ဖေႏ​ဒါႏ နီ​ရန်ႏ​သူႏ​တာႏ က​အီႏ​ကွီ​ဗာႏ ဧ​က​ရာဇ်​ခွန်​တန် စဲ့ꩻ​သေ​တပ် တ​တပ်​နဝ်ꩻ ခွေ​ဝင်ꩻ​သꩻ​ငါႏ။ ပွိုး​တွော့ꩻ လိုꩻ​က​ယွုမ်း​အံႏ အာႏ​ကွိုꩻ​ဒါႏ ဝွေꩻ​ဗွေႏ​သား​ဖုံႏ​နဝ်ꩻ နီ​ဗွေႏ​ဘု​ရာꩻ အီႏ​ဖေႏ​မင်္ဂ​လာႏ၊ ကွဲႏတွော့ꩻ လိုꩻ​က​ခွယ်​ညာꩻ​ထိုꩻ​ဒါႏ ဝွေꩻ​ဗွေႏ​သား​ဖုံႏ​နဝ်ꩻ ဝွေꩻ​ဗွေႏ တ​ကျွိုက် နစ်​သက်​တဝ်း​တဲင် အီႏ​ဖေႏ အ​ပဲစ်​တံႏ​ကျောင်ꩻနဝ်ꩻ ခွေ​ဒေါ့ꩻ​နယ်​ဖေႏ​လဲဉ်း ခွန်​တန် အ​တွက်​သွူ။ နဝ်ꩻ​မꩻ ဗွေႏ​ဘု​ရာꩻ ဖေႏ​က​ရဲ​ပွေါး​ထွား နီ​တာႏ​နဝ်ꩻ နီ​သျောင်ႏ​ကံ ထာꩻ​အံႏ​တွော့ꩻ ဆု​တောင်ꩻ​နဝ်ꩻ​မꩻ ဝွေꩻ​ဗွေႏ​နဝ်ꩻ နာႏ​နီ​ဆု​တောင်ꩻငဝ်း​ဖုံႏ နဝ်ꩻ​သွူ။