Popular Bible Verses from ဧဇရ 6

Share

ဝွေꩻ​သီး​နဝ်ꩻ အဝ်ႏ​စွဉ်ႏ​ထာꩻ​ပျောႏ နွတ်ꩻ​နီꩻ​လွုမ်း​လွုမ်း မာꩻ​ပွယ်ꩻ​တ​ခိုး တ​မီႏ​တ​ပါ​ဗာႏ​တဝ်း နဝ်ꩻ​သွူ။ က​တယ်ႏ​ချာ​ဒါႏ ဣ​သ​ရေး ဗွေႏ​ဘု​ရာꩻ ဗိ​မာန်ႏ​တောႏ ကျောင်ꩻနဝ်ꩻ ဝွေꩻ​သီး​ထာꩻ​မာꩻ​ကို ဖေႏ​နေး အာ​သီး​ရီး​ယား ဧ​က​ရာဇ်​ခွန်​တန် က​စွဲ​ကို​နဝ်ꩻ ကွပ်​ပွိုး ထာ​ဝ​ရ​ဘု​ရာꩻ တ​မာꩻ​ဖေႏ​အာႏ​ဝွေꩻ နဝ်ꩻ​မꩻ ဝွေꩻ​သီး ပျောႏ​သွင်ႏ မွေး​နေး​စွဉ်ႏ​ဖုံႏ နဝ်ꩻ​သွူ။

ပ​ရော​ဖဲစ် ဟ​ဂ္ဂဲ​စွဉ်ႏ ပ​ရော​ဖဲစ် ဇာ​ခ​ရိ​သီး တ​မာ​ဖေႏ​အာႏ​နဝ်ꩻ​မꩻ ဂျူး​လိုꩻ​တန် ခေါင်း​ဆောင်​ဖုံႏ က​တယ်ႏ​ဒါႏ ဗိ​မာန်ႏ​တောႏ ကျောင်ꩻ​နဝ်ꩻ မာꩻ​တိုꩻ​တက်​အောင်ႏ​မျင်ႏ ထင်ႏ​ထို​ဟဝ် မွေး​နေး​စွဉ်ႏ​သွူ။ နုဲင်း​ဣ​သ​ရေး ဗွေႏ​ဘု​ရာꩻ အ​မိန်း​စွဉ်ႏ ပါး​သျား​ဧ​က​ရာဇ် ခွန်​တန်​ကု​ရု၊ ဒါ​ရိ​တွမ်ႏ အာ​တာ​ဇေ​ရဇ်​သီး အ​မိန်း​တဲင် ဝွေꩻ​သီး မာꩻ​ထွူ​လို့​စွဉ်ႏ ဗိ​မာန်ႏ​တောႏ​ကျောင်ꩻ နဝ်ꩻ​သွူ။