Popular Bible Verses from ဧဇရ 4

Share

နဝ်ꩻ​ထွူ ဂျူး​လိုꩻ​မျိုꩻ​ဖုံႏ​တွမ်ႏ ကော​က​အဝ်ႏ​တယ်ႏ​ဒါႏ သား​ဖုံႏ ဖေႏ​သꩻ​က​ကုဲင်​တွော့ꩻ က​ငမ်း​ထိုꩻ​နဝ်ꩻ လိုꩻ​ဖုံႏ က​အဝ်ႏ​အုံ​သော့ꩻ​ဒါႏ ခမ်း​ကို​သား​ဖုံႏ​နဝ်ꩻ ကျိုꩻ​စာꩻ​မာꩻ​စွဉ်ႏ နဝ်ꩻ​သွူ။

ဖေႏ​နေး​က​ဆန် ဝွေꩻ​သီး ထာꩻ​မာꩻ​ဖုံႏ​နဝ်ꩻ ဝွေꩻ​သီး​ဖေႏ​ပါ​က ပါး​သျား​အစိုႏရ အာႏ​ဏာႏ​ပဲင်ႏ​သား​ဖုံႏ လာဘ်​လက်​ဆောင်ႏ နဝ်ꩻ​သွူ။ တယ်ႏ​စွဉ်ႏ ဧ​က​ရာဇ်​ခွန် ကု​ရု က​အုပ်​စိုꩻ​စိုး ဗꩻ​လွေꩻ​စွဉ်ႏ ဧ​က​ရာဇ်​ခွန်​ဒါ​ရိ က​အုပ်​စိုꩻ​ဒါႏ​စိုး​နဝ်ꩻ ဝွေꩻ​သီး အဝ်ႏ​ယား သွုပ်​သွုပ်​စွဉ်ႏ နုဲင်း​ယို​နဝ်ꩻ​သွူ။

ဇေ​ရု​ဗ​ဗေ​လ၊ ယော​သျု​စွဉ်ႏ ခွိုꩻ​နွယ်ႏ​ခေါင်း​ဆောင် လိုꩻ​တန်​ဖုံႏ​နဝ်ꩻ ဒေါ့ꩻ​ဖေႏ​ဝွေꩻ​သီး “​က​အီႏ​တယ်ႏ​ဒါႏ ထာ​ဝ​ရ​ဘု​ရာꩻ နီ​ဗွေႏ​ဘု​ရာꩻ ဗိ​မာန်ႏ​တောႏ​ကျောင်ꩻ တ​ဖြုံႏ​နဝ်ꩻ နီ​တ​အဝ်ႏ​လိုႏ​တဝ်း သီ​စွဲ​ကို။ နုဲင်း​ပါး​သျား ဧ​က​ရာဇ်​ခွန်​တန် ကု​ရု က​မိန်း​နီ​အ​တွိုင်ꩻ ဗိ​မာန်ႏ​တောႏ ကျောင်ꩻနဝ်ꩻ နီ​အီႏ​တယ်ႏ​ဒျာႏ နီ​ရင်ꩻ” နုဲင်း​နဝ်ꩻ​သွူ။