Popular Bible Verses from ဧဇရ 1

Share

ပါး​သျား ဧ​က​ရာဇ်​ခွန်​တန်​ကု​ရု အုပ်​စိုꩻ ပ​ထ​မ​နေင်ႏ​ကို​နဝ်ꩻ ဝွေꩻ​ဗွေႏ​အွဉ်ႏ​ကု​ရု ထေ​အ​မိန်း တဲမ်း​ပ​သာ​လွေꩻ ဝွေꩻ​အဲမ်​ပါ​ယာ ခင်ႏ​လမ်း​စွုမ်ႏ​ထွောင်း​တွော့ꩻ ဖေႏ​နေး က​ဖတ်​သန်​သန် နယ်​ဖေႏ​နဝ်ꩻ ထာ​ဝ​ရ​ဘု​ရာꩻ မာꩻ​ဗွေ​မဲဉ်ႏ​လွဉ်ꩻ​စွဉ်ႏ နုဲင်း​ဝွေꩻ​ဗွေႏ က​ဒေါ့ꩻ​ဖေႏ​စွဉ်ႏ ပ​ရော​ဖဲစ် ယေ​ရ​မိ​အ​တွိုင်ꩻ နဝ်ꩻ​သွူ။

“​ယို​နဝ်ꩻ​ထွာ​ဒျာႏ ပါႏ​သျား ဧ​က​ရာဇ်​ခွန်​တန် ကု​ရု အ​မိန်း​နဝ်ꩻ​သွူ။ ထာ​ဝ​ရ​ဘု​ရာꩻ ခမ်း​ထီ​မို့ꩻ​လောင်း အ​ဗွေႏ​ဘု​ရာꩻ​နဝ်ꩻ မာꩻ​ဖေႏ​လဲဉ်း​ခွေ ဖေႏ​က​အုပ်​စိုꩻ တ​ဟံႏ​တန်​လွုမ်း​တွော့ꩻ ဝေင်ꩻ​ယေ​ရု​သ​လမ်ႏ​ကို ဝွေꩻ​ဗွေႏ​အ​တာႏ ဖေႏ​နေး က​တယ်ႏ​ဖေႏ​ဗာႏ ဗိ​မာန်ႏ​တောႏ​ကျောင်ꩻ တ​ဖြုံႏ​နဝ်ꩻ ဖေႏ​လဲဉ်း​သွူ​ခွေ တာႏ​ဝွန်ႏ​နဝ်ꩻ​သွူ။ သီ​က​ထွာ ဗွေႏ​ဘု​ရာꩻ အ​လိုꩻ​မျိုꩻ​ဖုံႏ ကား​က​အဝ်ႏ​နဝ်ꩻ ယံ​ဖေႏ ဝွေꩻ​ဗွေႏ က​အဝ်ႏ​ငီꩻ​သွော့​သီ။ သီ​နဝ်ꩻ လွေꩻ​ဝေင်ꩻ ယေ​ရု​သ​လမ်ႏ သူꩻ​တွော့ꩻ ဖေႏ​က​ဝုဲင်ႏ ကိုꩻ​ကွယ်ႏ​သော့ꩻ​ဗာႏ ဝေင်ꩻ​ယေ​ရု​သ​လမ်ႏ​ကို​နဝ်ꩻ တယ်ႏ​ဖေႏ​ဖျင်​ယင်း​သွေ့ာ ထာ​ဝ​ရ​ဘု​ရာꩻ ဣ​သ​ရေး ဗွေႏ​ဘု​ရာꩻ ဗိ​မာန်ႏ​တောႏ​ကျောင်ꩻ။