Popular Bible Verses from တမန်ႏတောႏ 20

Share

တွမ်ႏ​ထာꩻ​ကျိုꩻ​စာꩻ လုပ်ꩻမာꩻ​ယပ်ꩻ​ခုဲင်ႏ အ​နယ်​နုဲင်း​ယို​တွော့ꩻ နီ​စွဲ​ကို​လဲဉ်း လိုꩻ​ကေန်ꩻ​ခြော အာႏ​ဆေ့ꩻ​နဝ်ꩻ ခွေ​မာꩻ​နယ်​ဖေႏ​လဲဉ်း​သီ ကား​က​အဝ်ႏ​သွူ။ ဗွေႏ​ယေ​သျု​နမ်း က​မိန်း​ဖေႏ​ဒါႏ​ငဝ်း​ဖုံႏ ၊‘​ဖေႏ​ဗာႏ​ဝင်ꩻ​နဝ်ꩻ မင်္ဂ​လာႏ အဝ်ႏ​အာ​ကယ်ꩻ​က က​လ​က္ခံႏ​လꩻ’” နုဲင်း​နဝ်ꩻ​နဝ်ꩻ ယူႏ​လꩻ​ချာ​သွော့။

ကွဲႏ​တွော့ꩻ ခွေ​မဉ်​မာꩻ​စွုံႏ​လင်ႏ​ဒျာႏ ခွေ​သာႏ​သ​နာႏ ထာꩻ​မာꩻ​တွမ်ႏ မာꩻ​ထွူ​ထဲ့​ဖေႏ​ဒျာႏ ဗွေႏ​ယေ​သျု က​ထွဉ်ႏ​ဒါႏ ခွေ​ထာꩻ​မာꩻ က​အီႏ​ကေႏ​ညာꩻ​ဒါႏ သ​တင်ꩻ​ဟဝ် ပွိုင်း​ဝွို့​တွမ်ႏ ဗွေႏ​ဘု​ရာꩻ ကေꩻ​ဇူꩻ​တောႏ ခ​ရာႏ​လွုမ်ꩻ​နဝ်ꩻ ခွေ​တ​လောက်ꩻ​ကာႏ​တဝ်း ခွေ​အ​သက်​သွူ။

နဝ်ꩻ​မꩻ ထိန်ꩻ​ချာ​သွော့ သီ​နမ်း၊ တွမ်ႏ​ကြောင်း​စင် ဝိ​ညာဉ်ႏ​တောႏ က​အပ်​သေꩻ​ခါ​သီ၊ သွိုꩻ​စွိုꩻ​တ​ဖုံႏ​လွုမ်း​နဝ်ꩻ ထိန်ꩻ​ထွား ဟဝ်​ဟဝ်​သွော့။ ထွား​ဟဝ်​ဟဝ်​သွော့ ဗွေႏ​ဘု​ရာꩻ အ​သေန်း​တောႏ၊ စွဉ်ႏ​ဝွေꩻ​ဗွေႏ ပို​ခို​တောႏ အ​သွီႏ​နဝ်ꩻ ဝွေꩻ​ဗွေႏ မာꩻ​လဲဉ်း ဝွေꩻ​ဗွေႏ နမ်း​ပဲင်ႏ အ​သေန်း​တောႏ။

“​တဲင်​ယို​ခါ ဖေႏ​က​အဝ်ႏ​ဒျာႏ တွမ်ႏ​ဗွေႏ​ဘု​ရာꩻ ထာꩻ​ထိန်ꩻ​ထွား​ကို​တွမ်ႏ ဝွေꩻ​ဗွေႏ ကေꩻ​ဇူꩻ​တ​ရာꩻ​တောႏ​ကို​နဝ်ꩻ ခွေ​မိန်း​ဖေႏ​သီ သွူ၊ ကေꩻ​ဇူꩻ​တောႏ က​အီႏ​တယ်ႏ​ထင်ႏ ထိုꩻ​နွောင်ꩻ​ဒါႏ​သီ တဲင် ဝွေꩻ​ဗွေႏ အ​လိုꩻ​ဖုံႏ ကား​က​အဝ်ႏ​တာႏ ဗွေႏ​ဘု​ရာꩻ မင်္ဂ​လာႏ​နဝ်ꩻ ယံ​က​ဖေႏ​သွော့​သီ။