Popular Bible Verses from တမန်ႏတောႏ 19

Share

ပေါ​လု​စူ​ဖုံႏ​နဝ်ꩻ အွဉ်ႏ​ဒင်ႏ ဝွေꩻ​သီး​လောင်း​တဲင် ကြောင်း​စင် ဝိ​ညာဉ်ႏ​တောႏ ကျွꩻ​လင်ꩻ​လွဉ်​စွဉ်ႏ ဝွေꩻ​သီး​လောင်း​သွူ။ ဝွေꩻ​သီး​ဒေါ့ꩻ​စွဉ်ႏ ငဝ်း​ဆန်ꩻ​ဖုံႏ​တဲင် ဟော်ꩻ​ကေႏ​ညာႏ​ပါ​က ဗွေႏ​ဘု​ရာꩻ တ​ရာꩻ​နဝ်ꩻ​သွူ။။

စွဉ်ႏ​ပေါ​လု​နဝ်ꩻ ဗွေႏ​ဘု​ရာꩻ​မာꩻ​နယ် နိ​မိတ်​လ​က္ခ​ဏာႏ ထူꩻ​ဆန်ꩻ​ဖုံႏ​သွူ။ ဝွေꩻ​က​အဝ်ႏ​သွုံꩻ​ဒါႏ ဖေါက်​ဝါႏ​တွမ်ႏ အ​ငင်း​ဒေင်​စွိုင် ပိတ်​ခဝ်​ငါ​မဉ်ႏ​တဲ့ ထူႏ​လွေꩻ လိုꩻ​ဆာ​ဖုံႏ​ထျꩻ​တွော့ꩻ ဝွေꩻ​သီး​ရောႏ​ဂါႏ​ဖုံႏ ထိုꩻ​မာႏ​တဲင် လူꩻ​ကုဲင်​ဖုံႏ အဝ်ႏ​ဝွေꩻ​သီး​အ​ကို ထန်ႏ​ထိုꩻ​စွဉ်ႏ​သွူ။

ကွဲႏ​တွော့ꩻ လူꩻ​ကုဲင်​နဝ်ꩻ ဒေါ့ꩻ​ဖေႏ​ဝွေꩻ​သီး၊ “​ဗွေႏ​ယေ​သျု​နဝ်ꩻ ခွေ​အဝ်ႏ​သေ​တဲင် ပေါ​လု​တဲ့ ခွေ​အဝ်ႏ​သေ။ ကွဲႏ​တွော့ꩻ သီ​နဝ်ꩻ ပါꩻ​မုဲင်ꩻ​ဟောင်း” နုဲင်း​နဝ်ꩻ​သွူ။