Popular Bible Verses from တမန်ႏတောႏ 13

Share

ဝွေꩻ​သီး​နဝ်ꩻ အဝ်ႏ​မာꩻ ဗွေႏ​ဘု​ရာꩻ အ​မု​တောႏ ထာꩻ​မာꩻ​တဲင် အဝ်ႏ​သျောင်ႏ​ကံ ထာꩻ​အံႏ​ကျာꩻ​နဝ်ꩻ ကြောင်း​စင် ဝိ​ညာဉ်ႏ​တောႏ ဒေါ့ꩻ​ဖေႏ​ဝွေꩻ​သီး၊ “ဖေႏ​က​မာꩻ ခွေ​ထာꩻ​မာꩻ​နဝ်ꩻ ခွေ​ဟဲ့ꩻ​လဲဉ်း ဝွေꩻ​သီး​နဝ်ꩻ​မꩻ၊ ခွေ​တာႏ လွိုက်​ထန်ႏ​ခေါ်​သွော့ ဗာ​နာ​ဗ​တွမ်ႏ သျော​လု” နုဲင်း​နဝ်ꩻ​သွူ။ ဝွေꩻ​သီး​သျောင်ႏ​ကံ ထာꩻ​အံႏ​တွော့ꩻ ဝွေꩻ​သီး​စူ​ဖုံႏ​နဝ်ꩻ အွဉ်ႏ​ဒင်ႏ​ဖေႏ သျော​လု​စွဉ်ႏ ဗာ​နာ​ဗ က​တူႏ​လောင်း​တဲင် ဆု​တောင်ꩻ​ဖေႏ​တွော့ꩻ အွဉ်ႏ​စွꩻ​လွေꩻ ဝွေꩻ​သီး​သွူ။

ခွေ​သွꩻ ဣ​သ​ရေး လိုꩻ​မျိုꩻ​ဖုံႏ သီ​ကား​က​အဝ်ႏ စွဉ်ႏ​ဗွေႏ​ယေ​သျု အ​တ​ရာꩻ ပွိုင်း​ဝွို့​တွမ်ႏ အွဉ်ႏ​စွꩻ​လွစ်​ဖေႏ အ​ပဲစ်​ခ​ရာႏ က​ဟော်ꩻ​ဖေႏ​သီ​နဝ်ꩻ ဖေႏ​က​သေ​စဲင်း​ဗာႏ၊ စွဉ်ႏ​မော​သျေ ပ​ညတ်​ကျမ်ꩻ တ​အွဉ်ႏ​စွꩻ​လွစ် နွောင်ꩻ​တဝ်း​ဒါႏ သီ​အ​ပဲစ်​ဖုံႏ ကား​က​အဝ်ႏ​နဝ်ꩻ လိုꩻ က​ယွုမ်း​ဒါႏ ဝွေꩻ​ဗွေႏ​သား စွုမ်ႏ​ဖြာꩻ​နဝ်ꩻ လွစ်​နွောင်ꩻ​ကျောင်ꩻ ဖေႏ​သီ​က​သေ​ဗာႏ​နဝ်ꩻ​သွူ။

ဗွေႏ​ဘု​ရာꩻ က​ဖေႏ​လဲဉ်း​ဒါႏ နီ​ပ​ညတ်​ကျမ်ꩻ အ​ချက်​နဝ်ꩻ နုဲင်း​ယို၊ ‘ ဖေႏ​နေး ဟံႏ​တန်​လော​က​သား​ဖုံႏ ကား​က​အဝ်ႏ က​လꩻ​ထာꩻ​ကယ်ႏ​တင်ႏ​နဝ်ꩻ လိုꩻ​မျိုꩻ​လင်​တာႏ ခွေ​မာꩻဖေႏသီ က​ထွာထာꩻ​လေ’” နုဲင်း​နဝ်ꩻ​သွူ။