Popular Bible Verses from لوقا 5

Share

وختی عیسی گَفِن تَمون آبینَه، شمعونی نَه واتِشه: «لوتکا بِبَه دریاچه عمیق جِگا را و شِمَه ماشکون مایی گِتِه را آوی دیلَه کا دَرَفَنَه.»

شمعون جَواو دوشه: «اُستاد، اَمَه تَمون شو بَرک زحمت کَشَمونَه و اَصلا هیچی گِتَمون نییَه. امّا حِسَه چوم تِه بَواتیش، ماشکون دَرَفَنَم آوی دیلَه.» وختی اَوِن اِنتَه کَردِشونَه، هِندی مایی گِتِشونَه که چَوون ماشکِن کارا پَله بَبین!

ولی عیسی بَشی دور افتاده جِگا اون را و دعا بِکَردی.

اَز اومَیمَه گناه کارون دعوت بِکَرِم توبه بِکَرِن نِه کسونی که صالِحی نَه.»

وختی شمعونِ پطرس اِمی ویندِشه، عیسی پا دَلَکه و واتِشه: «اِی خِداوند، بَه مِن کا دور آبو، چوم اَز گناه کارَه مِردی ایمَه!»

عیسی چَوون جَواوی کا واتِشه: «مریضِن طَبیب پیستِشونَه، نِه سالِمِن.

وختی اَوِن اِشتَن لوتکا اون وَردِشونَه ساحِلی را، هَمه چی وِل آکَردِشونَه، شینَه عیسی دومله.

وختی که عیسی ایلَه شَهرون کا بَه، ایلَه مِردی اومَه که جُذام چَیی جانی گِردی گِتَش بَه. وختی اَ جُذامی عیسی ویندِشه، چَیی پا دَلَکه و مِنّت کَردِشه، واتِشه: «آقا، اَگم تِه بِپیش بَشای مِن شَفا بِدَی.» عیسی اِشتَن دَسی دِراز آکَردِشه و اَیی دَس آسوشَه و واتِشه: «پیستِمَه، شَفا بِگِه!» اَلبَحَل اَ مِرد جُذامی کا شَفا گِتِشه.

ولی با اِم حال عیسی کارون خَوَر وِرتَر پَخش آبی، و یالَه جماعتونی جمع آبین تا چَیی گَفون دَرَسِن و اِشتَن درد و مَرضون کا شَفا بِگِرِن.