Popular Bible Verses from نامه رومیان ره 14

Share

چونکی خُدا پادشایی، خوردن و نُوشتن نیئه، بلکی صالحی، صلح و سلامتی و شادی، روح القدّسِ درون ایسه. هرکس اَطو مسیحَ خیدمت بُکونه، خُدا اونَ قُبیل دَره و مَردومَم اونَ تصدِق کونیدی.

چره کی اَگه زیندگی کودَن دریم، خُداوند ره زیندگی کونیم، و اَگه میریم، خُداوند ره میریم. پس چی زیندگی بُکونیم، چی بیمیریم خُداوند شین ایسیم.

پس بائید اوچیِ دُمبال بیبیم کی باعث برقراری صلح و سلامتی و همدیگر ایمانِ تقویت به.

پس، بائید بازین پس همدیگرَ قضاوت نُکونیم، بلکی تصمیم بیگیرید کی هی سنگی تاش خوردن ره و یا مانعی شیمی برار راه سر ننید.

چره کی اشعیای پیغمبرِ کتابِ درون بینیویشته بُبوسته: «خُداوند گه: به می زیندگی قسم، هر زانویی می جُلُو فَچَمه، و هر زوانی خُدایَ اقرار خوائه کودن.» هرتا جه اَمان خو حسابَ خُدایَ پس دِئه.

کسی کی اونِ ایمان ضعیفِ، شیمی میان راه بَدید، ولی نه اَنه واسی کی اونِ عقاید باره اونِ امرا بگو مگو بُکونید.

تو کیسی کی اینفر دیگر نوکرَ قضاوت کونی؟ چی اون خو ایمانِ سر بئسه یا بکفه به اونِ ارباب ربط دَره و اونم خو پا سر ایسه چونکی خُداوند تانه اونَ سرپا بداره.