Popular Bible Verses from نامه فیلیپیان ره 2

Share

هی كاریَ مَنم مَنم و چشم و هم چشمی جا نُكونيد، بلكی فروتنی اَمرا ديگرانَ شیمی جا بختر بدانيد. هیتا جه شُمان فقط خو منفعتِ فکر نَبه، بلکی بقیه ئانِ فکرم بِبه.

هو فكرانیَ بداريد كی مسيحْ عيسی داشتی

اونكی، هرچن خُدا اَمرا هم شکل بو، خُدا امرا برابریَ دو دَسی نچسبسته، بلكی خودشَ خالی بُكود، نوکرِ شکلَ به خودَش بیگیفت، آدمانِ مانستن بُبوست. و چونکی آدمانِ شکل مانستن بُبوست، خورَه فروتن بُكود و مَردن ره، حتی صليب سر مَردَن ره فرمانبر بُبوست.

چون خُدایِ كی شیمی درون خو خشنودی واسی کار کودَن دَره، هم اراده درون و هم عمل درون.

پس خُدا اونَ خَیلی بُجور بَبرد و ایتا نام بجورتر جه تمان نام ئان اونَ ببخشه، تا عیسی نامِ اَمرا هر زانویی خمَ به آسمان درون، زمين سر و زمينِ جیر، و هر زوانی اقرار بُكونه كی عيسی مسيحْ ’خُداوندِ‘ خُدای پئرِ جلال واسی.

هر كاریَ بی غُرغُر و توکه بِرا انجام بديد، تا بی عیب و ساده دیل و خُدا بی عیب زاكان بيبيد، خطاکار و گُمراهِ نسل درون کی شیمی نور اوشان ميان ستارئان مانستن اَ دُنیا درون فتاوِه،

پس ای عزيزان، هُطویی كی هميشک فرمانبر بید، هسّا، نه فقط می جُلو، بلكی خَیلی ويشتر، می نَبودِ درون، خودتانِ نجات ره بایستی ترس و لرز اَمرا عمل بُکونید،