Popular Bible Verses from اوّلتا نامه قُرنتیانِ ره 12

Share

خُدا روحِ ظاهر بوستن هرکس ره، همه کسِ منفعت واسی فدَه به.

اَطویی، شُمان مسیحِ تن ایسید و تک به تک اونِ اعضا ایسید.

و اَگه ایتا عضو عذاب بکشه، تمان اعضا اونَ امرا عذاب بکشید؛ و اَگه ایتا عضو حُرمت بدَره، همتان، همدیگر امرا ذوق بُکونید.

چونکی اینفرَ بواسطه خُدا روح، حکمت کلام فدَه به، و اینفر دیگه بواسطه هو روح، کلامِ دانستن. و اینفر بواسطه هو روح، ایمان و اینفر دیگر بواسطه هو روح، شفا دئنِ عَطایا. اينفرَ انجام دَئن مُعجزات قُدرت و اینفر دیگرَ نبوّت، و اینفرَ روح ئان تشخیص دَئنِ قُدرت فدَه به. اينفرَ جورواجور زوانان، گب زئن واسی، و اینفر دیگرَ جورواجور زوانانِ ترجمه کودَن فدَه به.

تمانِ اَشان بواسطه هو ایتا روح کی خُدا روح ایسه قوّت گیریدی و اوجور کی خودِش خوائه اونَ سَام کونه و هرکسَ فدِه.

تا تن درون جُدایی نبه، بلکی تنِ اعضا به ایتا اندازه همدیگر فیکر بیبید.

رقم به رقم عَطیه نئا، ولی روحْ هونه؛ رقم به رقم خیدمت نئه، ولی خُداوند هونه؛ رقم به رقم کار نئه، ولی هو خُدا ایسه کی همه کسَ، همه چی درون قوّت دِئه.

خُدا کلیسا میان، اول رسولان، دوم پیغمبران، سیوم آموجگاران؛ بعد قُدرت مُعجزات، بازون پس شفا دَئن عطایا و کمک و مدیریت و گب زئن به جورواجور زوانانَ تعیین بُکود.

چونکی تن نه ایتا عضو اَمرا، بلکی جه اعضایِ زیادی چاکوده بُبوسته.

برعكس، اُ تنِ اعضا کی ضعيف تر نیشان دیئیدی، واجب تَرید.

اَگه تمانِ تن چوم بو، چُطو خواستیم بیشتاویم؟ و اَگه تمانِ تن گوش بو، چُطو خواستیم بو بُکونیم؟ ولی اَطویی، خُدا تنِ اعضایَ اوجور کی خودش خواستی، ایتا ایتا تن درون بَنه. اَگه تمان اعضا ایجور بُبوسته بید، تن کویا وجود داشتی؟