Popular Bible Verses from تیتوس 1

Share

اوللار اِدّعا ائدیرلَر کی تارئ‌یی تانییرلار، آما عَمل‌لَری اینن اؤنو حاشا ائدیرلَر. اوللار نفرت ائدیلمیش و اطاعت ائدمه‌ین دیرلر، و هئچ رَقم دؤز ایشه یاراشمئیرلار.

آرّی‌ آدام‌لار‌ ایچی واری زاد آرّی‌ دیر، آما نَجس و ایمان‌سیز آدام‌لار ایچی، هئچنه آرّی ده‌ییل، بلکی هم فکرلَری، هم ده وجدان‌لاری نَجس دیر.

او سِفت یاپیشاسی او اعتماد ائدمه‌لی کلاما کی تعلیم وئریلمیش، تا بئله باشارا خلخی دوز تعلیم اوستوندن نصیحت ائده و ائله بئله ده ضِدّ ائدن‌لَره تَشَر ائده.

بو خاطره کی بیر ناظر کی تارئ مُباشری دیر، زندلیگینده بیر زاد اولمایاسی کی اؤنونگ اوستونه سَرزنشت اولونا. او، تَکبّرلی یا تئز خشم ائدَن یا عَرق خور یا گؤج دئیَن اولمایاسی یا دا پیل ایچی حِرص وورمایاسی، بلکی قوناق سئین، خوبلیگی چوخ سئین و نَفْسی جلوسینی توتان اولاسی، او بیر عَملی دؤز و مُقدّس و مُنظّم آدام اولاسی؛

کلیسا آغ‌سَقّلی‌نینگ زندلیگینده بیر زاد اولمایاسی کی اؤنونگ اوستونه سَرزنشت اولونا؛ او، بیر تَک آروادینگ اَری اولاسی و اولادلاری ایمانلی اولاسیلار کی اوساری سرّیق‌لیگدَن یا دا یاغی‌لیگدَن آرّی اولالّار.