Popular Bible Verses from روملی‌لَر 6

Share

چونکی گُناهینگ مُزدی اؤلوم دیر، آما تارئ‌نینگ عطاسی، اَبدی زندلیگ دیر رَبّیمیز مَسیح عیسادا.

چونکی گُناه سیزه حکم سؤرمَز، بو سَبریه کی سیز شَریعت آلتیندا ده‌ییلَینز بلکی فِیض آلتیندایانز.

پس اؤلومده تَعمید توتماک اینان اؤنونگ اینان مَقبریه قؤیولدوک تا ائله اوله‌یین کی مَسیح، گؤیده‌کی بووآنینگ شوکتی اینن اؤلومدَن دئرّیلدی، بیز دا زندلیگینگ تازّالیگینده قدم گؤتورَک.

بدنینزینگ عُضولارینی گُناه اَلینه وئرمَینز تا نادُرست‌لیگ وسیله‌لَری اولالّار، بلکی او آدام‌لار له‌یین کی اؤلومدَن زندلیگه بؤکولموشلَر، اؤزونزو تارئ‌ اَلینه وئرینز و بدنینزینگ عُضولارینی وئرینز تارئ‌ اَلینه، تا صالح‌لیگ وسیله‌لَری اولالّار.

بونو بیلیرَک کی قَدیمکی آداملیگ طبیعتیمیز،‌ اؤنونگ اینان صَلیبه چکیلدی تا گُناه جسمی هئچ اولا، تا بئله بیز داها گُناهینگ غُلامی اولمایاک.

پس سیزده اؤزونزو گُناها اؤلو بیلَسینز و مَسیح عیسادا، تارئ‌یا دئرّی.

پس نه‌ دئیک؟ ائله بئله گُناه ائدَسیک تا فِیض فراوان اولا؟ اَلبت کی یو! نه‌یین بیزلَر کی گُناها اؤلدوک، حَلی اؤنونگ ایچینده زندلیگ ائده بیلیرَک؟

بئیه بیلمئیرَینز کی اگر اؤزونزو بیر اطاعت ائدن غُلام له‌یین،‌ بیرینه تَسلیم ائدَینز، اولیرانز او آدامینگ غُلامی کی بئلَسیندَن اطاعت ائدیرَینز، ایندی چه گُناه غُلامی کی اؤلومه ساری آپاریر، چه تارئ‌دان اطاعت ائدمَک غُلامی کی صالح‌لیگه ساری آپاریر؟

آما تارئ‌یا شُکر اولسون کی سیزلَر کی بیر زامان گُناه غُلام‌لاری ایدینز، ایندی اؤره‌کدَن او رَقم تعلیمدَن اطاعت ائدیرَینز کی اؤنا باغلاندینز، و سیز گُناهدان آزاد اولماک اینان، صالحلیگ غُلام‌لاری اولموشانز.