Popular Bible Verses from فیلیپیلی‌لَر 4

Share

هئچ نه ایچی نگران اولمانز، بلکی واری زاددا دُعا و خواهش و تَمنّا اینان، ائله بئله ده شُکر ائدمک اینن، اؤز سئدیگی‌لَرینزی تارئ‌یا بیلدیرینز.

و تارئ‌نینگ صُلح و سلامتلیگی کی واری فَهمدَن ایلَری ووریر، سیزینگ اؤره‌کینزدَن و فکرینزدَن مَسیح عیسادا حفاظت ائدَر.

آخیردان، کاکالار، هَرنه‌یه کی گرچک دیر، هر نه‌یه کی حُرمَتلی دیر، هر نه‌یه کی دؤز دور، هر نه‌یه کی آرّی دیر، هر نه‌یه کی چوخ سئمه‌لی دیر و هر نه‌یه کی تعریف ائدمه‌لی دیر، اگر بیر زاد چوخ خوب دور، اگر بیر زاد تعریف ائدمَک اَرزشی واری، بئله‌یین زادلارا فکر ائدینز.

واری ایش گؤره بیلیرَم، مَسیح طریقیندَن کی منه قوّت وئریر.

همیشه رَبده خوشحال‌لیگ ائدینز؛ گئنه دا دئییرَم خوشحال‌لیگ ائدینز.

و منیم تارئ‌م، سیزینگ واری احتیاج‌لارینزی اؤز شوکتلی دولتینه گؤره مَسیح عیسادا برطرف ائدَر.

هَر نه کی مَندن اؤرگنمیشَینز،‌ قبول ائدمیشَینز، ائشیتمیشَینز و منده گؤرموشَینز، بو زادلارا عَمل ائدینز و صُلح و سلامتلیگ تارئ‌سی سیزینگ اینن اولور.

قؤینز تا واری کَسه آشکار اولا کی ناغاد با‌ مُلاحظه آدام‌لارانز. رَبّینگ گلمَکی یاخین دیر.

یوخسول‌لیگ چکمه‌کی بیلیرَم، فروانلیگده زندلیگ ائدمَکی ده بیلیرَم. هر وضع و حالدا بونونگ سِرّینی کی توخلیگدا و آجلیگدا، فراوانلیگده و احتیاجدا باش ائدَم، اؤرگنمیشَم.

بئله‌یین ده‌ییل کی من احتیاج اوستوندَن دانیشیرام، چونکی اؤرگنمیشَم کی هر وَضعده قانع اولاسیم.