Popular Bible Verses from فیلیپیلی‌لَر 2

Share

هئچ ایشی خودخواهلیگ یا دا غَرّه‌لیگ اوستوندن گؤرمَینز، بلکی گؤنگول آلچاقلیگ اینن باقّی کَسی اؤزونزدَن یئی‌تَر بیلینز. سیزدن هئچ بیرینز فقط اؤز منفعتی فکرینده اولماسین، بلکی باقّی آدام‌لارینگ منفعتینی ده نَظرینزده ساخلاتینز.

آراینزدا ائله او فکر اولسون کی مَسیح عیسا ده واری‌ ایدی

او کی با بو حال کی تارئ‌ شکلینده ایدی، تارئ‌‌ اینن برابر اولماگینا سِفت یاپیشمادی، بلکی بیر غُلام شکلینی اؤزونه آلماک اینان اؤزونو خالی ائدی و بَشر بنزه‌رینده دنیایا گلدی و انسان شکلینه چیخمَک اینن اؤزونو آلچاق ائدی و اؤلوم حَدّی‌نانچز، حَتّی صَلیب اوستونده‌ اؤلومَک حَدّی‌نانچز، مُطیع اولدو.

چونکی بو تارئ دیر کی اؤز خُشنودلیگی ایچی سیزده عَمل ائدیر، هم اراده‌ده، هم ده عَملده.

پس تارئ اؤنو چوخ اوجالتمیش، و اؤنا بیر آد باغیشلامیش کی هر آددان باش‌ دیر، تا عیسا آدیندا هر دیز اَگیله، گؤیده، یئر اوزونده و یئرینگ آلتیندا، و هر دیل اِقرار ائده کی عیسا مَسیح رَبّ دیر، بووآ تارئ‌نینگ شوکتی ایچی.

واری ایشی بدون بو کی توغولایانز یا دا جَر و بحث ائدَینز گؤرونز، تا قُصورسیز و مَعصوم و تارئ‌نینگ عیب‌سیز اولادلاری اولانز، بیر اَگری یولو گئدن و ناخَلف نَسل اورتاسیندا کی اوللارینگ آراسیندا اولدوزلار له‌یین بو دنیادا ایشّیله‌ییرَینز،

پس عزیزلَریم، ائله اوله‌یین کی همیشه اطاعت ائدمیشَینز، ایندی ده نه فقط من اؤردا اولاندا، بلکی اوندان ده آرتیق اؤردا اولمادیگیمدا قورخو و حُرمَت اینن نجاتینزی نتیجه‌یه ائتیشتیرمَک ایچی غیرت گؤرسَدینز.