Popular Bible Verses from مَتّی 13

Share

آما خوب تورپاقا تؤکولن دانلار، او آداملار دیرلَر کی کلامی ائشیدیرلَر و اؤنو آنگلاییرلار. بیر پاراسی یوز برابر، بیر پاراسی آلتمیش برابر، بیر پارا دا اوتوز برابر ثَمر ائدیرلَر.»

تیکان‌لار آراسینا تؤکولن دانلار، او آداملار دیرلَر کی کلامی ائشیدیرلَر آما دنیا نگرانلیگ‌لاری و دنیا مالینا آلّانماک، کلامی خَفه‌له‌ییر و ثَمرسیز ائدیر.

اوندا کی آداملار گؤی پادشاه‌لیگی‌نینگ کلامینی ائشیدیرلَر و اؤنو آنگلامئیرلار، او شَریر گلیر و اوللارینگ اؤره‌کینده اَکیلَنی قاپیر. بوللار او دانلار دیرلَر کی یول ایچینه تؤکولورلَر.

کوتورلو یئره تؤکولن دانلار، او آداملار دیرلَر کی او کلامی ائشیدیرلَر و فوری شادلیگ اینَن اؤنو قبول ائدیرلَر، آما چون ریشه یوخلاری فقط بیر مُدّت قالیرلار و او کلام سَبرسینه مُصیبت یا دا جور و جَفا گلدیگی اینن، ایماندان دؤشیرلَر.

«گؤی پادشاه‌لیگی بیر گنج له‌یین دیر کی بیر اَکین یئری ایچینده پنهان اولونمیش و بیر کیشی اؤنو بولدو. بولاندان سورا گئنه اؤنو پناه ائدی و خوشحال‌لیگدان گئتدی و هَرنه‌یی کی واریدی ساتدی و او اَکین یئرینی آلدی.

آما دانلارینگ باقّیسی خوب تورپاقا دؤشدولار و ثَمر ائدیلَر؛ بیر پاراسی یوز برابر، بیر پاراسی آلتمیش برابر، بیر پارا دا اوتوز برابر.

قؤیونز تا بیچمَک زامانی‌نانچاز، ایکّی‌سی بئلینه گئیَرلَّر و بیچمَک زامانیندا بیچَنلَره دئیه‌رَم کی، ’اَوّل غَریب اوتلاری قازینز و دسته-دسته ائدینز تا یاندیراک، آما بوغدالاری منیم آمباریمدا ییغینز.‘“»