Popular Bible Verses from عِبرانلی‌لَر 2

Share

چونکی اؤنونگ اؤزو امتحان اولاندا زَجر چکمیش، باشاریر اوللارا کی امتحان اولیرلار کؤمک ائده.

پس بو خاطره کی، اولادلار بَدنده و قاندا شَریک دیرلَر، ائله بئله‌یین ده اؤنونگ اؤزو ائله بو زادلاردا شریک اولدو تا اؤلوم طریقیندَن، اؤنو کی اؤلوم قُدرتینی واری یعنی اِبلیسی، نابود ائده،

پس بیز ائشیتدیگیمیزه چوخ آرتیق دقّت ائده‌سیک، تا ائدمه‌یه کی ائشیتدیگیمیزینگ یولوندان چیخَک.

پس لازیم ایدی کی او واری لحاظدان کاکالاری له‌یین اولا تا بئله بیر رَحملی و وفالی ائنگ بویوک کاهِن اولا، تارئ خدمتینده، تا خَلخ گُناهلاری‌نینگ باغیشلانماکی ایچی قُربانلوق ائده.

آما اؤنو گؤرورَک کی بیر آز مُدّت فرشته‌لَردن آشاغی‌تر اولدو، یعنی عیسایی، آما ایندی شوکت و حُرمَت تاجی قؤیولموش باشینا، بو سَبریه کی اؤلوم زَجرینی چکدی تا تارئ فِیضی وَسیله‌سینه واری کَس یئرینه اؤلومو دادا.