Popular Bible Verses from بیرینجی نامه‌، قُرِنتلی‌لَره 11

Share

و ائله بئله دا، شام‌دان سورا، پایلایی گؤتوردو و دئدی: «بو پایلا، تازّا عَهد دیر کی قانیمینگ تؤکولمَکی اینَن، سیزینگ اینَن باغلاییرام. هَر دفعه کی بونو ایچیرَینز، بو ایشی مَنیم یادیمدا گؤرونز.» بو سبریه کی هَر دفعه کی بو چؤره‌کدَن یئییرَینز و بو پایلادان ایچیرَینز،‌ رَب عیسانینگ اؤلومونو، او زامانانچاز کی او گله اعلام ائدیرَینز.

چون من سیزه ده وئردیگیمی،‌ اؤزوم رَبدَن آلدیم کی رَب عیسا دشمن اَلینه وئریلَن گئجه‌ده،‌ چؤره‌کی گؤتوردو، و شُکر ائدندن سورا، اونو تیکه‌له‌دی و دئدی: «بو منیم بَدنیم دیر کی سیزینگ ایچی دیر. بو ایشی مَنیم یادیمدا گؤرونز.»

پس هَر کَس اؤزونو امتحان ائدسین و اوندا او چؤره‌کدَن یئسین و او پایلادان ایچسین. چونکی هَر کَس بدون بو کی رَبّینگ بدنینی تشخیص وئره،‌ یئسه و ایچسه،‌ بئله‌یین یئمَک و ایچمَک اینن اؤزونو مَحکومیت آلتینا آپاریر.

پس هَر کَس کی بیر رَقم کی دوز ده‌ییل بو چؤره‌کدَن یئسه یا دا رَب عیسانینگ پایلاسیندان ایچسه، رَب عیسانینگ بدنینده و قانیندا تَقصیرکار ساییلار.

مندن سَرمشق توتینز، ائله اوله‌یین کی من، مَسیحدَن سَرمشق توتیرام.