Popular Bible Verses from رومی ایشون 6

Share

چون گِناهی مِز مَرگِ، ولی خِدایی هَدیِه، اَمِه خِداوند مَسیحْ عیسایی دِلِه، اَبَدی زندگیِه.

چون گِناه شِمِه سَر حِکم نَکنِّه، چون شریعَتی بِن دَنینی، بَلگی فیضی بِن دَرِنی.

پَس مرگی دِلِه تعمید بَیتنی هَمرا، وی هَمرا دَفن بَوِمی تا هَمونجور گه مَسیح، پیری جَلالی هَمرا مِردِگونی جا زینِّه بَوِه، اَما هَم یَتِه نُو زندگی ای دِلِه قَدم بِلیم.

شی تَنی اَعضارِه گِناهی دَس نَدین تا ناراسی ای وسیلِه ووئن، بَلگی هِتی هون آدَمِنی تَرا گه مرگی جا زندگی ای سِه دَگِرِسنِه، شِرِه خِدایی دَس هادین. تا شِمِه تَنی اعضا خِدایی دَس، راسی ای وسیله ووئن.

چون دِمّی هون آدمی گه قدیما وِمی، وی هَمرا مصلوب بَوِه تا تَنی گِناه از بِین بورِه و دِ گِناهی نوکر نَووئیم.

پس شِما هَم وِنِه شِرِه گِناهی سِه بَمِرد دِنّین، و مَسیحْ عیسایی دِلِه، خدایی سِه، زینِّه.

پَس چی بُئیم؟ همینجور گِناه هاکِنیم تا فیض زیاد بَوو؟ اَصلا! اَما گه گِناهی سِه بَمِردِمی، چِتی بَتِّمی اونی دِلِه اَی هَم زندگی هاکِنیم؟

مَگِه نَئونِنی گه اگه شِرِه هِتی نوکرنی تَرا گه اطاعت کِنِنِه یَنفری دَس هادین، هون آدمی نوکرِن وونِنی گه ویجا اطاعت کِنِنی، چی گِناهی نوکر گه مرگی سِه خَتم وونِه، چی خِدایی اِطاعتی نوکر گه صالحی ای سِه خَتم وونِه؟

ولی خِدارِه شِکر، شِما گه یه وختی گِناهی نوکرِن وِنی، اِسا دِشتِه شی دِلی هَمرا هون تَعلیمی جا اطاعت کِنِنی گه خِدا شِمارِ هادا. شِما آزاد بَووئنی هَمرا، گِناهی جا، صالِحی ای نوکرِن بَوِنی.