Popular Bible Verses from یوحنایی مکاشفه 9

Share

بَقیِه آدَمِن، گه هَین سِه تا بَلایی جا بکوشت نَوِنِه، نا شی دَسی کارایی جا توبِه هاکِردِنِه و نا دِویشونی پَرَسِش هاکردنی جا و نا طِلا بِتیشون و نقره ای و برنجی و سَنگی و چویی بِتیشونی پَرَسِش هاکردنی جا، گه نا بَتِنِّنِه بَوینِن و نا اِشنُنِنِه و نا راه شونِنِه. وِشون شی آدمکُشیها و جادوگریها و بی‌عفتیها و دِزّیهایی جا هَم توبِه نَکِردِنِه.

اَزما دی ای میِن، واش پِرِنیشون زَمینی سَر بیمونِه و اونِنِه یَتِه قدرت، هِتی زَمینی عَقرَبایی قِدرتی تَرا هادا بَوِه. و اونِنِه بُتِه بَوِه گه نا زَمینی واشیشونِ، و نا هیچ سَبزِ گیاه یا داری رِه صدمِه نَزِنِن، بلگی فقط مَردِنی رِه صدمِه بَزنِن گه خِدایی مِهرِ شی سالی سَر نارِنِه.

و پنجمین فِرِشتِه شی شیپوری دِلِه پی هاکِردِه، و مِن یَتِه سِتارِه بَئیمِه گه آسِمونی جا زَمینی سَر دیم بَخاردِه و هاویه ای چاهی کِلی گه تَه نارنِه وِرِه هادا بَوِه.

و اونِنِه اِجازه هادا بَوِه گه هون مَردنِ پَنج ماه عذاب هادِن، بدونِ هَینگه هیچکسِ بَکوشِن. و وِشونی عذاب، هِتی عَقربی عذابی تَرا وِه، هون موقِه گه ینفرِ نیش زَنِّه.

هاویه ای چاهی فرشتِه وِشونی پادشاهِ، گه عِبرانینی زِوونی دِلِه وی اِسم’اَبَدونِ‘، و یونانی زِوونی دِلِه ’آپولیونِ‘ یَعنی نابودکننده.