Popular Bible Verses from یوحنایی مکاشفه 10

Share

بَلگی هون روزایی دِلِه گه هَفتِمین فِرِشته شی شیپوری صدارِه دیرگا بیارِه، خِدایی راز کامِلاً اَنجام وونِه، هَمونجور گه شی خادِمِن، یَعنی پیغمبرِنی سِه اعلام هاکِردِه.»

مِنِه بُتِنِه: «تو وِنِه یَکَش دییَر یَتِخِیلی قوما و یَتِخِیلی مِلّتا و یَتِخِیلی زِوونا و یَتِخِیلی پادِشاهِنی خَوَری نَبِوَّت هاکِنی.»

اَزما بَئیمِه یَت دییَر قِدّارِ فِرِشتِه آسِمونی جا جِر ایمو. هون فِرِشته یَتِه اَبری دِلِه دَپیت وِه و یَتِه رَنگین کمون وی سَری وَر و وی قیافه هِتی آفتابی تَرا وِه و وی لینگ هِتی سِتونهایی تَشی تَرا وِه.

پَس مِن هون فرشته ای سَمت بوردِمِه و وِرِه بُتِمِه گه هون کِچیکِ طومارِ مِنِه هادِه. فِرِشتِه مِنِه بُتِه: «هَینِه بَئیر و بَخار! تی دِلِه رِه تَل کِنِّه، ولی تی دِهِنی دِلِه هِتی عسلی تَرا شیرِن وونِه.» مِن هون کِچیکِ طومارِ فرشته ای دَسی جا بَیتِمِه و بَخاردِمِه. می دِهِنی دِلِه هِتی عسلی تَرا شیرِن وِه، ولی هَمتی گه بَخاردِمِه می اِشکَم تَل بَوِه.