Popular Bible Verses from اِنجیلِ یوحنا 16

Share

هَینِنِه شِمارِ بُتِمِه تا می دِلِه آرامِش دارین. دِنیایی دِلِه زَحمَت و عَذاب شِمِسِه دَرِه؛ ولی شِمِه دِل قِرص ووئِه، چون مِن دِنیارِه پیروز بَوِمِه.»

ولی وختی حَیقَتی روح بیِه، شِمارِ دِشتِه حَیقَتی سِه رَهبری کِنِّه؛ چون وی شیجا گَب نَزِنِه، بَلگی اونچی اِشنُنِه رِه گِنِه و شِمارِ آیندِه ای جا خَوَردار کِنِّه.

تا اَلَن می اِسمی هَمرا هیچی نَخوایسِنی؛ بَخواین تا بَنگیرین گه شِمِه خِشالی کامِل بَوو.

با هَین وجود، حَیقتِ شِمارِ گِمِه شِمِه نَفعِ گه مِن بورِم. چون اگه نَشوئَم هون پِشتیبون شِمِه وَر نیِنِه؛ ولی اگه بورِم وِرِه شِمِه وَر رَسامِّه. وختی هون پِشتیبون بیِه، دِنیایی مَردِنِ گِناهی سِه و صالِح ووئَن و داوَری ای سِه مَحکوم کِنِّه.

هَینجور، شِما هَم اَلَن غَم و غِرصِه دارِنی؛ ولی اَی هَم شِمارِ ویمِّه و شِمِه دِل خِشال وونِه و هیچکی شِمِه خِشالی رِه شِمِه جا نَئیرنِه. هون روز، دِ هیچی میجا نَخواینِنی. حَیقَتاً شِمارِ گِمِه هر چی آسِمونی پیری جا می اِسمی هَمرا بَخواین، اونِه شِمارِ دِنِه.

حَیقَتاً شِمارِ گِمِه، شِما بِرمِه و زاری کِنِنی، ولی دِنیا خِشال وونِه؛ شِمارِ غَم و غِرصِه گیرنِه، ولی شِمِه غَم و غرصِه خِشالی رِه تَبدیل وونِه.