Popular Bible Verses from اِنجیلِ یوحنا 15

Share

«مِن اَنگور دارمِه و شِما می رَزِنی. کسی گه می دِلِه مونِّه و مِن وی دِلِه، وی اونیِه گه خِیلی میوِه اُرنِه؛ چون میجا سیوا هیچ کاری نَتِنِّنی هاکِنین.

شِما می دِلِه بَمونین و مِن شِمِه دِلِه. هَمونجور اگه شاخه داری کَش وَصل نَووئِه نَتِنِّه شیجا میوِه بیارِه. شِما هَم نَتِنِّنی میوِه بیارین اگه می دِلِه نَمونین.

اگه می دِلِه بَمونین و می کَلام شِمِه دِلِه بَمونِّه، هر چی خواینِنی دَرخواس هاکِنین گه بَراوَردِه وونِه.

شِما مِنِه اِنتِخاب نَکِردِنی، بَلگی مِن شِمارِ اِنتِخاب هاکِردِمِه و بَرِسانیمِه تا بورین و میوِه بیارین و شِمِه میوِه بَمونِّه، تا هر چی پیری جا می اِسمی هَمرا بَخواین شِمارِ هادِه.

هَین مِحَبَتی جا گَت تَر دَنیِه گه یَنَفر شی جانِ شی رَفِقِنی سِه هادِه.

هر اَنگور رَزی گه میوِه نیارِه می پیر وِرِه وِرینِّه، و هر اَنگور رَزی گه میوِه بیارِه، وِرِه هَرَس کِنِّه تا ویشتَر میوِه بیارِه.

«می حِکم هَینِه گه هَمدِیَرِ مِحَبَت هاکِنین، هَمونجور گه مِن شِمارِ مِحَبَت هاکِردِمِه.

می پیری جَلال هَینجور آشکار وونِه گه شِما خِیلی میوِه بیارین. و هینجوری ثابِت کِنِنی گه می شاگِردِنِنی.

« مِن حَیقی اَنگور دار هَسمِه و می پیر باغوونِه.

اگه کَسی می دِلِه نَمونِّه، یَتِه رَزی تَرائِه گه وِرِه دیم دِنِنِه و خِشک وونِه. خِشکِ رَزیشونِه جَم کِنِنِه و تَشی دِلِه دیم دِنِنِه و سوجانِنِه.

هَین چیارِه شِمارِ بُتِمِه تا می خِشالی شِمِه دِلِه دَووئِه و شِمِه خِشالی کامِل بَوو.

اگه می اَحکامِ بِجا بیارین، می مِحَبَتی دِلِه مونِّنی؛ هَمونجوری گه مِن شی پیری اَحکامِ بِجا اُرمِه و وی مِحَبَتی دِلِه مومِّه.

مِن هَین چیارِه شِمارِ حِکم کِمِّه گه هَمدِیَرِ مِحَبَت هاکِنین.

اگه شِما دِنیایی سِه وِنی، دِنیا شِمارِ هِتی شی آدَمایی تَرا دوس داشتِه. ولی چون دِنیایی سِه نینی، بَلگی مِن شِمارِ دِنیایی جا اِنتِخاب هاکِردِمِه، دِنیا شِمِه جا بیزارِ.