Popular Bible Verses from یعقوب 5

Share

هَینِسه، هَمدِیَری وَر شی گناهِنِ اعتراف هاکِنین و هَمدِیَری سِه دِعا هاکِنین تا شَفا بَیرین. صالِح آدَمی ای دِعا، خِیلی قِوَّتی هَمرا عمل کِنِّه.

شِمِه میِن کسی عذاب کَشِنِه؟ بِل دِعا هاکِنِه. شِمِه میِن کسی خِشالِ؟ بِل حَمد و ثنایی سِرودِ بَخونِّه.

ایمونی هَمرا دِعا هاکِردَن، مَریضِ نِجات دِنِه و خِداوَند وِرِه اِرِسانِّه، و اگه گِناهی هاکِرد وو، بَخشیدِه وونِه.

شِمِه میِن کَسی مَریضِ؟ بِل کلیسایی گَت گَتِه رِه کَفا بَخونِّه و وِشون ویسِه دِعا هاکِنِن و خِداوندی اِسمی هَمرا وِرِه روغَنی هَمرا مَسح هاکِنَن.

دِنِّه گه هر کی یَتِه گِناهکارِ گِمراهی ای جا دَگِردانِه، وی جانِ مَرگی جا نِجات دِنِه و خِیلی گِناهِنِ پوشانِّه.