Popular Bible Verses from اِفِسُسیان 6

Share

چون اَمِه جنگ جسم و خون، یَعنی آدمی هَمرا نیِه، بَلگی اَما رئیسِنی علِیه، قِدرتهایی علِیه، و هون تاریکی ای نیروهایی علِیه گه هَین دِنیایی سَر حاکمِنِ، و شَریرِ روحانی لشگریشونی علِیه، گه آسِمونی جاهایی دِلِه دَرِنِه، جَنگِمی.

و هَمِش، هر جور دِعا و خواهشی هَمرا، خِدایی روحی دِلِه دِعا هاکِنین، هَینِسه ویشار و هوشیار ووئین، و همِش پایداری ای هَمرا دِشتِه مِقَدّسینی سِه دِعا هاکِنین.

خِدایی اسلحه رِه کامِل دَکِنین تا بَتِنّین اِبلیسی حِقِّه هایی پِش هِرِسین.

پَس خِدایی اَسلَحِه رِه کامِل دَکِنین، تا شرِّ روزی دِلِه بَتِنّین قائِم هِرِسین، و بَتِنّین بعد از هَینگه هَمه چی اَنجام بَوِه، پایدار هِرِسین.

هر وضعی دِلِه ایمونی سِپَرِ بَیرین، تا بَتِنّین اونی هَمرا، هون شَریری دِشتِه تَش دارِ تیریشونِه دَکوشانین. نِجاتی کِلاهخودِ شی سَر بِلین و روحی شَمشیر گه هَمون خِدایی کلامِ رِه، شی دَس بَیرین.

پَس قائِم هِرِسین، هَمونجور گه حَیقَتی کَمر وَنِ دَوِسِنی و شی صالحی ای زِرِه رِه شی تَن دَکِردنی. اِنجیلی صلح و سلامتی رِه هِتی یَتِه کُوشی تَرا دَکِنین، اونجور گه اِنگار اونی اعلامی سِه آمادِنی

سرآخر، خِداوندی دِلِه و هون قِوَّتی دِلِه گه وی قدرتی جا اِنِه، قوی بَووئین

«شی پیر و مارِ اِحترام بِل»، گه هَین اوَّلین حکمِ گه وَعده ای هَمرائه: «تا خِش وَخت بَووئی و زَمینی سَر دِرازِ عمر داری.»

اِی وَچیلِه، خِداوندی دِلِه شی پیر و ماری جا اِطاعَت هاکِنین، چون دِرِسِ کار هَینِه.