Popular Bible Verses from اِفِسُسیان 5

Share

پَس هِتی عزیزِ وَچیلِه ای تَرا، خِدایی جا سَرمَخش بَیرین. و مِحبتی دِلِه رَفتار هاکِنین، هَمونجور گه مَسیح هَم اَمارِه مِحبت هاکِردِه و شی جانِ اَمِسِه هِتی قِروونی و خِش عَطرِ هَدیِه ای تَرا خِدارِه پیشکَش هاکِردِه.

پَس، خِیلی مواظب ووئین گه چِتی رفتار کِنِنی، شِمِه رفتار عاقِلِ آدمنی تَرا ووئه نا نادونِ آدمنی تَرا. شی وختی قَدرِ دِنّین، چون هَین روزا، بَدِ روزائِه.

و شرابی جا مَس نَووئین، گه شِمارِ بَدِ کارایی سَمت کَشانِّه؛ بَلگی خِدایی روحی جا پِر بَووئین. مزامیر و پَرَسشی سرودها و آوازهایی هَمرا گه خِدایی روحی جائِه هَمدیری هَمرا گَب بَزِنین و دِشتِه دِلی جا خِداوندی سِه بَخونین و آهنگ بَساجین. هَمِش خِدای پیرِ، اَمِه خِداوند عیسی مَسیحی اِسمی هَمرا هَمه چی ای سِه شِکر هاکِنین.

پَس نادون نَووئین، بَلگی بِفَهمین گه خِداوندی اِراده چیِه.

اِی مَرداکِنِن، شی زَناکِنِنِ دوس دارین، اونجور گه مَسیح هَم کلیسارِه دوس داشتِه و شی جانِ ویسِه هادا،

چون شِما یَه وختی تاریکی ای دِلِه دَوِنی، ولی اِسا خِداوندی دِلِه نورِنی. پَس هِتی نوری وَچیلِه ای تَرا رَفتار هاکِنین.

مَسیحی حِرمتی خاطری، هَمدیَری جا اطاعت هاکِنین.

اِی زَناکِنِن، شی مَرداکِنِنی جا اطاعت هاکِنین، هَمونجور گه خِداوندی جا اطاعت کِنِنی.

خِلاصِه هَینگه، هر کِدیم از شِما هَم وِنِه شی زَنارِه هِتی شی تَرا دوس دارِه، و وِنِه زَنایی حَواس دَوو گه شی مَردی رِه حِرمت بِلِه.

«هَینِسه مَرد شی پیر و ماری جا سیوا وونِه، شی زَنارِه چَسبِنِه و هون دِتا یَه تَن وونِنِه،»

تاریکی ای بی فایده کارایی دِلِه شَریک نَووئین، بَلگی اونانِه بَرمَلا هاکِنین.