Popular Bible Verses from اوّلین نامِه قُرنتیانی سِه 9

Share

هر کی مِسابِقه ای سِه شونِه، هر چی ای دِلِه شی دَمِ گیرنِه. وِشون هَین کارِ کِنِنِه تا هون تاجی گه از بِین شونِه رِه بِدَس بیارِن، ولی اَما هَین کارارِ کِمّی تا هون تاجی گه از بیِن نَشونِه رِه بِدَس بیاریم. پَس مِن بی هدف دُو نَکِمِّه؛ مِن هِتی هون آدمی تَرا گه هَوارِ میس زَنِّه؛ میس نَزِمِّه؛

بَلگی شی تَنِ سختی دِمِه و اونِه هِتی یَتِه بَردِه ای تَرا اسیر دارمِه، تا نَکِنِه بعد از هَینگه بقیِه رِه موعظه هاکِردِمِه، شِه رَد بَووم.

مَگِه نَئونِنی گه دُویی مِسابقه ای دِلِه، هَمه دُو کِنِنِه، ولی فقط یَنَفَر جایزه رِه وَرنِه؟ پس شِما جوری دُو هاکِنین گه بَوِرین.

ضَعیفِنی هَمرا، ضعیف بَوِمِه تا ضَعیفِنِ مسیحی سِه بِدس بیارِم. همه‌کسی سِه هَمه چی بَوِمِه تا هرجور وونِه بعضیارِه نِجات هادِم.