Popular Bible Verses from اوّلین نامِه قُرنتیانی سِه 8

Share

با هین وجود، اَما فقط یَتِه خِدا دارمی، یَعنی آسمونی پیر، گه هَمه چی ویجائِه و اَما ویسِه هَسمی؛ و فقط یَتِه خِداوَند دَرِه، یَعنی عیسی مَسیح، گه هَمه چی وی طریقی جائه و اَما وی طریقی جا هسمی.

و اِسا بِتیشونی پیشکَش بَوِه خِراکی خَوَری: دِمّی گه «اَما هَمه معرفتِ دارمی.» همین معرفت غِروری باعث وونِه، ولی مِحبت آدمِ بَنا کِنِّه. اگه یَنَفَر گِمون کِنِّه یَچی دِنِّه، حَلا اونچی گه وِنِه دِنِّه رِه نَئُونِّه.

هَینِسه، اگه خِراک می بِراری لغزشی باعث وونِه، هیچ وخت گوشت نَخارمِه تا وی لَغزِشی باعث نَووم.

ولی مِواظب ووئین شِمِه هَین حَق، هینی باعث نَوو گه ضعیفِ آدَمن لَغزش بَخارِن.