Popular Bible Verses from اِنجیل مَرقُس 8

Share

چون هر کی بِخواد خودشه جان نِجات هَدِه، اونِه اَز دَس دَنه؛ وَلی هر کی می خاطری و اِنجیلِ خاطِری خودشه جان از دَس هَدِه، اونِه نِجات دَنه.

آدَمی یه وَسین چه نَفعی دَاره تمام دُنیا رِه بِدارِه وَلی خودشه جان از دَس هَدِه؟

عیسی جَماعَتِ خودشه شاگِردانِ هَمرَه خودشه وَر دُخوانِسِّه و اوشانه باَگوته: «اَگه کَسی بِخواد می دُمّال بیه، بایسّی خودشه جانِ جی بگذَرِه، خودشه صَلیب هَگیره و می دُمّال بیه.

آدَمی خودشه جانِ عوض چی تانهِ هَدِه؟ چون هر کی این زَناکار و گُناهکارِ نسلِ دِلِه می جی و می گَبانِ جی عار بِدارِه، انسانِ ریکا هم وَختی که خودشه آسِمانی پیَره جَلالِ دِلِه مُقَدَّس فِرِشتِگانِ هَمرَه بیِه، اون آدَم جی عار دارِه.»

عیسی اوشانه جی بَپُرسیِه: «شما چی گونید؟ شیمی نَظَر مَن کیَم؟» پِطرُس جَواب هَدَه: «تو مَسیحِ موعودی.»