Popular Bible Verses from نامَه وَ تیتوس 1

Share

اونگَل اِدعا ایکِنِن خدا نَه ایشناسِن، امّا بِی کارَلِشون وِّ نَه حاشا ایکِنِن. اونگَل کِفارات و نافِرمونِن، وِ سی هر کارِ خوبی ناجورِن.

سی پاکَل هَمَه چی پاکِه، امّا سی اونگَل که نَجِسِن وِ بی‌ایمون، هیچی پاک نی، بَلکَم هَم فِکرِشون نَجِسِه وِ هَم وجدانِشون.

وِّ بایِس سِفت بِچَسبِه وَ کلامِ موردِ اِطمینونی که یای گِرُتِه تا بِتَرِه تعلیمِ دِرِسَه یای بییِه وِ اونگَلی نَه هَم که وَ ضِدِ ای تَعلیمِن توبیخ کِنِه.

سی‌یِکِه یِه ناظر که مباشرِ خدایَه، بایِس دیر وَ مَزِمَت بو. وِّ نَبایس غُد یا تندمِزاج یا عَرَق‌خَر یا زورگو و یا حرصِ پیل داشتَه بو، بَلکَم خَش‌مِمون، خیر‌خوا، خوددار، درسکار، مقدّس و منظم بو.

یعنی اَر کسی دیر وَ مَزِمَت، میرِی یِه زَن بو، وِ اولادَلِ ایمونداری داشتَه بو وِ متهم وَ هَرزِه‌ای وِ تور بییَن نبو.