Popular Bible Verses from مکاشِفۀ یوحنا 3

Share

سِی کُ! مِ ایوِیسُم پَسِ دَر وِ ایکویُم. اَر کسی صیامَه بِشنِفِه وِ دَرَ واز کِنِه، ایام داخل وِ باش شوم ایخَرُم وُ وِّ هَم بِی مو.

کارَلِ تِنَه دونُم؛ که نَه سردی نَه گرم. کاشکی یا سرد بیئی یا گرم. پَ سی‌یِکِه مَلیلی، وِ نَه گرمی وِ نَه سرد، تِنَه وَ دِهونُم تِف ایکِنُم.

مِ اونگَلی نَه که دوسِشون دارُم توبیخ وِ ادب ایکِنُم، پَ وَ غیرَت بیو وِ توبَه کُ.

مِ کارَلِ تِنَه دونُم. سِی کُ! دَری واز وَرِ ریت نَهامِه که هیشکَه نیتَرِه بویَندِش. دونُم که یِچِی قُویَت داری، امّا کلامِ مِنَه نِگه کِردی‌یِی وِ نومِ مِنَه حاشا نَکردی‌یِی.

هرکه زور وابو، وَش اجازَه اییُم بِی مِ وَ ری تختُم بِشینِه، هَموطو که مِ زور وابی‌یُم وِ بِی بُوم وَ ری تختِش نِشَسُم.

سی‌یِکِه ایگِی: "دارایَم؛ مالِ‌مِنال دارُم وِ اِتیاج وَ چیئی نَیارُم." وِ نُونی که سیاروز، خوارِزار، فقیر، کور وِ لُختی.

سی‌یِکِه تِ کلامِ مِنَه دَرموردِ پاوَرجایی، نِگَه کِردی‌یِی، مِ هَم تِنَه مِنِه ساعتِ امتحان نِگَه ایکِنُم، ساعتی که وَ ری تَمومِ دنیا ایایِه تا مَردِمونِ زَمینَه امتحان کِنِه.

مِ وَ هَمی زیئی ایام. اوچیئی نَه که داری سِفت نِگَه کُ تا کسی تاجِتَه وَ دَسِت نَسونِه.

دیار وابو وِ اوچیئی نَه که وَجا مُندِه وِ دارِه ایمیرِه، تقویت کُ! سی‌یِکِه مِ کارَلِتَه مِنِه تییۀ خدا کامل نَجُسِمِه.