Popular Bible Verses from مکاشِفۀ یوحنا 14

Share

وِ صییِی وَ آسَمون اِشنُفتُم که ایگُت: «یِنَه بنویس: خَش وَ حال اونگَلی که وَ یِه واپَس مِنِه خداوند ایمیرِن.» وِ روحِ خدا ایگُ: «وَراسی خَش وَ حالِشون، که اونگَل وَ کارَلِ سَختِشون آسوده‌یَن، سی‌یِکِه کارَلِشون وَ دینِشون ایایِه!»

یِه پاوَرجاییِ ایموندارَلِ وَ مسیحَ ایخوا که حُکمَلِ خدا وِ ایمون وَ عیسی نَه نِگَه ایکِنِن.

وِّ بِی صییِی بِلَند گُت: «وَ خدا زَلَتون بِرَه وُ وِّ نَه جلال بِئیت، سی‌یِکِه ساعتِ داوری وِّ رَسییِه، وِّ نَه بِپَرَستیت که آسَمون وِ زمین وِ دریا وِ چشمه‌یَلَه وِّ آفَری.»

اوسِه فرشته‌ای دَ، یعنی سِوِمی اومَه وَ دینِ اونگَل وِ بِی صییِی بِلَندی گُت: «اَر کسی او جونور وحشی وِ مجسَمَشَه بِپَرَستِه وِ نِشونِشَه وَ ری پیشونی یا دَسِش قبول کِنِه، وِّ هَم وَ شرابِ غضبِ خدا ایخَرِه، شرابی که مَشت وِ خالص رِتَه وابی‌یِه مِنِه پیالۀ غَضَبِ خدا. وُ وِّ بِی تَش وِ گوگرد دَر برابرِ فرشته‌یَلِ مقدس وِ دَر برابرِ بَرَه عذاب ایبینِه. وِ دیِ عذابِ اونگَل تا ابدالآباد ایرَه وَ بالا، وِ اونگَلی که او جونورِ وحشی وِ مجسَمَشَه ایپَرَستِن وِ هَر کسی که نِشونِ نومِ وِّ نَه قبول ایکِنِه، نَه مِنِه روز آسودِه‌ای دارِه وِ نَه مِنِه شُو.»

هَمیِکِه سِیل کِردُم، او بَرَه نَه دییُم که وِیسایَه بی وَ ری کُو صَهیون، وِ صدوچِل‌وچار هزار نفر باش بییِن، که وَ ری پیشونیشون نومِ وُّ وِ نومِ بوش نوشتَه وابی‌یَه بی.

اوسِه فرشته‌ای دَ دییُم که مِنِه دلِ آسَمون بال ایزَه وِ انجیلی ابدی باش بی تا وِه نَه وَ مَردِمونِ زمین اعلام کِنِه، وَ هر ملت وِ طِیفَه وِ زُوون وِ قومی که بون.

وِ فرشته‌ای دَ، یعنی دِوُمی، وَ دینِش اومَه وِ گُت: «سَرنِگون وابی! بابِلِ گَپو سَرنِگون وابی! وِه که وَ شرابِ هوسِ هرزه‌ایِ خُوش، دا وَ خَردِ تَمومِ مِلَتَل.»