Popular Bible Verses from انجیلِ لوقا 7

Share

پَ وَت ایگُم، محبت زیاد وِّ سی یِنِه که گِنایَلِ زیادش آمرزییَه وابی‌یِه. امّا وِه که کمتر آمرزییَه وابو، کمتر هَم محبت ایکِنِه.» پَ عیسی ری کِه وَ او زَن وِ گُت: «گِنایَلِت آمرزییَه وابی!»

عیسی وَ او زن گُت: «ایمونِت تِنَه نجات دایِه، بِرَه وَ سلامت!»

وِ درحالی که ایگِریوِس وِیسا پَسِ سر عیسی، طی پایَلِش. اوسِه بِی خَرسَلِش پایَلِ عیسی نَه شُس وِ بِی پَلَلِش اونگَلَه خشک کِه. اوسِه پایَل عیسی نَه بوسی وِ روغَن مالی کِه.

سی هَمیو، حتی خِمَه لایق نُونِسُم بیام وَ خِذمتِت. فقط کلامی بِگُ که غلامُم شفا ایگِرِه. سی‌یِکِه مِ خُوم کسییَم زِرِ اقتدارِ کسی دَ. سربازَلی هم زِرِ اقتدارِ خُوم دارُم. وَ یکی ایگُم، "بِرَه"، ایرَه؛ وَ یکیدَه ایگُم، "بیو"، ایا. وَ غلامِ خِم ایگُم، "یِنَه وَجا بیار"، وَجا ایارِه.» عیسی وختی یِنَه اِشنُفت، وَش حیرت‌زَیَه وابی وِ ری کِه وَ جمعیتی که وَ دینِش اییومَن وِ گُت: «وَ ایشا ایگُم، ایطو ایمونی حتی مِنِه قومِ اسرائیل هم نَدییِمِه.»

مِنِه همو ساعت، عیسی عِدۀ زیادی نَه وَ مریضی‌یَل وِ دَردَل وِ روحَلِ ناپاک شفا دا وِ تییِی کورَلِ زیادی نَه، بُر کِه. عیسی مِنِه جوابِ او قاصِدَل فرمایش کِه: «بِرِیت وِ اوچیئی که دییتِه وِ اِشنُفتیتِه سی یحیی تعریف کِنیت، که تییِۀ کورَل بِر ایابو، شَلَل رَه ایرَن، جذامی‌یَل شفا ایگِرِن، کَرَل ایشنِفِن، مُردِه‌یَل زندَه ایابون، وُ وَ فقیرَل خَوَرِ خَشِ پادشاییِ خدا اعلام ایابو.