Popular Bible Verses from انجیلِ یوحنا 5

Share

وَراسی، وَ ایشا ایگُم، هرکه کلامِ مِنَه گوش بِگِرِه وُ وَ کسی که مِنَه بِسی کِردِه ایمون بیارِه، حیات ابدی داره وُ وَ داوری نیایِه، بلکم وَ مرگ، رَتِه مِنِه حیات.

وختی عیسی وِّ نَه دی که وُچِه دِراز کَشییَه وِ فَمِس که زمونِ زیادی یَه وَ ای حال گِرفتارِه، وَش پُرسی: «مَه ایخِی شفا بِگِری؟»

ایشا نوشته‌یَلِ مقدّسَه ایجوریت، سی‌یِکِه گَمون ایکِنیت وَ واسطۀ اونگَل حیات ابدی داریت، دَر حالی که هَمی نوشته‌یَل وَ مِ شهادَت اییِن. امّا نیخِیت طِی مِ بی‌یِیت تا حیات بِجوریت.

عیسی وَش گُت: «وَری، جاتَه وَگِه وِ رَه بِرَه.» او مِرد هَمو دَقَه شفا گِرُت وِ جاشَه وَگِرُت، شروع کِه وَ رَه رَتَن. او روز، شَبّات یعنی شنبۀ مقدس بی.

عیسی وَشون گُت: «وَراسی، وَ ایشا ایگُم که کُر نیتَرِه وَ خُوش کاری کِنِه غیرَ کارَلی که ایبینِه بُوش ایکِنِه؛ سی‌یِکِه هر چِه بُو ایکِنِه، کُر هَم ایکِنِه.