Popular Bible Verses from نامۀ یعقوب 1

Share

ای کَکایَلُم، هر وَخت بِی امتحانَلِ جورواجور ریوَری وابیئیت، تا ایتَریت شای بِیت! سی‌یِکِه دونیت امتحانِ ایمونِ ایشا، سیتون پاوَرجایی وَ بار ایارِه.

اَر کسی وَ ایشا متاجِ حکمت بو، وَ خدایی دَرخواس کِنِه که بِی دَسِ‌دِلوازی وِ بی‌سَرکوفت وَ هَمَه عطا ایکِنِه، وِ وَش عطا ایابو.

کَکایَلِ عزیزم، حَواستون بو: هر کس باید مِنِه اِشنُفتَن تیز بُو، مِنِه گَپ زَیَن آروم وِ مِنِه خِشم هَم سُس بو!

پَ بِلیت ای پاوَرجایی کارِ خِشَه تمام وُ کمال بِکِنِه تا بالِغ وُ کامِل وابِیت وِ چیئی کم نَیاشتَه بِیت.

امّا وَجا آوَرَندۀ کلام بِیت، نَه تِنا شِنوَندَه‌ش؛ خِتونَه گول مَزَنیت!

خَش وَ حالِ وِه که مِنِه امتحان طاقت ایارِه، سی‌یِکِه وَختی وَ امتحان سربلند بیا وَدَر، هَمو تاجِ حیاتی نَه وَ دَس ایارِه که خدا وَ دوسدارَلِ خُوش وَعدَه دایِه.

هر پیشکِشِ خوب وِ هر پیشکِشِ کامل وَ بالایَه، وَ طرفِ بو نورَل ایایِه دومِن، هَمو خدایی که نَه تغییری مِنِش هِه وِ نَه اثری وَ سایۀ تغییر.

سی‌یِکِه هر کس که کلامَه ایشنِفِه امّا وَش عمل نیکِنِه، مِی کسی یَه که مِنِه اِینَه سِیلَ ری خِش ایکِنِه وِ خِشَه مِنِش ایبینِه، امّا تا وَ وَرِ اِینَه دیر ایابو، وَ حوشِش ایرَه که چطو سیمِی داشته.

دینداریِ پاک وُ بی‌عیب مِنِه نظرِ خدا، بُو آسمونی ایما، یِنِه که دَسِ یَتیمَل وِ بیوه‌زَنَلَه مِنِه موقِی گرفتاری بِگِریم وِ خِمونَه وَ ناپاکیِ ای دنیا دیر کِنیم.

هیشکَه وختی وَسوَسَه ایابو، نَگُ: «یِه خدایَه که مِنَه وَسوَسَه ایکِنِه،» سی‌یِکِه خدا بِی هیچ بَدی وَسوَسَه نیابو، وِ کسی نَه هَم وَسوَسَه نیکِنِه. امّا موقِی که کسی وَسوَسَه ایابو، یِه نفسِ خِشِه که گولِش ایزَنِه وُ وِرِش اییِه مِنِه تَلَه.

کَکِی فقیر وَ سَرفَرازیش افتخار کِنِه،