Popular Bible Verses from نامۀ اَوَل وَ تیموتائوس 6

Share

مِنِه جنگِ خوبِ ایمون بِجَنگ. بِچَسب وَ او حیاتِ ابدی که سیش خُوندَه وابی‌یِه وِ دَر برابرِ شاهِدَلِ زیاد، وَش اعتراف کِردی.

سی‌یِکِه پیلدوسی ریشۀ هَمَه طور گَندی یَه. سی هَمی حِرصِ پیلِه که، یِه‌پاره‌ای وَ رَه ایمون وِل وابی‌یِنِه وِ خِشونَه گرفتارِ دَردَلِ زیادی کِردِنِه.

امّا دینداری بِی قناعت، سودِ گَپویی یَه.

سی‌یِکِه ایما چیئی وَ ای دنیا نَآوُردیمِه، وِ نیتَریم چیئی هَم وَش بویَریم.

وَ دارایَلِ ای دورَه حُکم کُ که غُد نَبون وُ وَ مالِ ای دنیا که وَ بِین ایرَه، امید نَبَندِن. بَلکَم امیدِشون وَ خدایی بو که هَمَه چی نَه وَ فَراوونی سی ایما آمایَه ایکِنِه تا وَشون کِیف کِنیم.

امّا اونگَل که اُرزو پیلدار بییَن دارِن، اییُفتِن مِنِه وسوسَه، مِنِه تَلۀ خواسِه‌یَلی که بی‌خودِن و ضَرَر ایزَنِن، که مردمَه ایکَشِه وَ نابودی وِ هلاکت.

وَشون یای بییِه که خوبی کِنِن، مِنِه کارَلِ خوب، دارا بون، دَسِ‌دِلواز وِ بَخشَندَه بون. وَ ای تَرتیب، گَنجی سی خِشون ذَخیرَه ایکِنِن که پییِی خوبی سی آیندَشونِه، تا بِچَسبِن وَ اوچیئی که حیاتِ واقعی یَه.