Popular Bible Verses from نامۀ اَوَلِ پِطرُس 2

Share

امّا ایشا نسلی یِیت بَرگزیدَه، کاهِنَلی که شاهانَه کاهنی ایکِنیت، ایشا ملتی مقدّسیت وِ قومی یِیت که مِلکِ خدا یِیت، تا خِصلَتَلِ عالیِ وِّ نَه اعلام کِنیت که ایشا نَه وَ تاریکی وَ طرَفِ نورِ حیرت آوَرِ خُوش صیا کِردِه.

مسیح خُوش بارِ گِنایَلِ ایما نَه مِنِه جسم وَ ری صلیب وَ کول کَشی، تا ایما سی گِنا بِمیریم وِ سی صالحی زِندِیی کِنیم، وَ زَخمَلِش، ایشا شفا گِرُتیتِه. سی‌یِکِه ایشا مِی میشَلی بیئیت که وَ رَه وِل وابی‌یَه بییِن، امّا ایسِه وَرگَشتیتِه طِی چِپون وِ ناظرِ جونِتون.

زَمونی ایشا قومی نَبیئیت، امّا ایسِه قومِ خدایِیت؛ زَمونی وَ رحمتِ خدا بی‌نصیب بیئیت، امّا ایسِه رحمتِ خدا نَصیبِتون وابی‌یِه.

مِی بَچه‌یَلِ سَوا، مشتاقِ شیرِ پاکِ روحانی بِیت، تا وَ وسیلۀ وِه مِنِه نجات رُشت کِنیت،

ای عَزیزَل، وَ ایشا که مِنِه ای دنیا مسافر وِ غریبیت، تمنا ایکِنُم وَ هَوَسَلِ جسم که وَ ضدِ روحِ ایشا مِنِه سِتیزِن، دیری کِنیت. کارَلتون مابینِ بی‌ایمونَل طوری بِی عزت بو که هَرچَن ایشا نَه وَ بَدکاری متهم کِنِن، بِی دییَنِ کارَلِ خوبِتون، خدا نَه مِنِه روزِ دییَنِش، جلال بییِن.

ایشا هَم خِتون مِی بَردَلِ زِندَه‌ای یِیت، که عمارتِ روحانی‌ای وَتون بَنا ایابو، تا کاهِنَلی مقدّس بِیت که وَ واسطۀ عیسی مسیح، قُربونی‌یَلِ روحانی‌ای نَه تقدیم کِنیت که بابِ دلِ خدا یَه.

پَ ایشا هر طور خبیثی، وِ کَلَک وِ دِ رو دِ رَنگی وِ حسودی، و بُهتون زَیَنَه وَ خِتون دیر کِنیت.

بِی نِزِنگ وابی‌یَن وَ وُّ، یعنی وَ او بَردِ زِندَه که مردم وِه نَه رَد کِردِن امّا طِی خدا بَرگزیدَه وِ قیمتی یَه،

مِی آیَمَلِ آزاد زِندِیی کِنیت، امّا آزادیتونَه سَرپوشی سی شَرارت مَکِنیت، بَلکَم مِی خادِمَلِ خدا زِندِیی کِنیت.

سی‌یِکِه خواسِ خدا یِنِه که بِی خوبی کِردَن، نِهِی گَپَلِ نایونیِ آیَمَلِ نافَهمَه بِگِریت.