Popular Bible Verses from وَحی 19

Share

بِلگی خارامی بِکنِم و کِل بِکَشِم، و اُ آنا جلال هاتِم، اَسِی که زَمون عَیش مِ بَرَّه‌وا رَسِدِ، و بِئُونِ آنا اُ خوش آمادَه اُشکِردِ؛

لِی جُمَه و لِی لان آنا اسمی نوشتَه بُدِ: ’شاه شاهیا و خداوند خداوندیا.‘

مِ موکَوا ما اُمدی آسِمو واز آبُدِ و بِبِن، یَک اسپ سَفیدی هاد، یکی شُ سُوار هاد که وفادار و حَک شَگائِت. آنا تِی عدالت حُکم اَکو و اَجَنگِه.

چَشیاش چُنِ هَلَمَک تَشِه، و تاجِی زیادی شُ لِی سِرَئِه. و اسمی شُ لو نوشتَه بُدِ که غیر از خوش، هِسکَه نادو. آنا جُمَهِ خونی شُبارِ و اسمی که جار شَزنِت ’کلوم خدا‘ ئِه.

از کَپُش شمشیر تیزی دَر اَدا تا وَ آنا اُ ملتیا بِزاد و آنا، خاد عصای آهنی اُ آنایا حکومت اَکو. آنا انگور خشم و تَریخِنِ خدای کادر مطلکا تِی حوضِنِ شراب وَ پا لَه اَکو.

مِ جونوَر وحشِنا گرفتار بو، و اُمرَهِ آنا مِ نَبِنِ دارُوِنا که روبَروش، نِشونَه و معجزه‌ئِی اَنجوم شَدَ و خاد نِشونَه و معجزه‌یّاش شُ کسِی گول زادِستاد که نِشونَه مِ جونوَر وحشِنا کَبول شُکِردِستاد و بُتُش پرستش شواَکِه. آنایا هر دوتاشو زندَه تِک دریاچَه تَشی که وَ گوگرد اَسُخِه بِستَه بُدِت.