Popular Bible Verses from وَحی 12

Share

آنایا وَ خون مِ بَرَّه‌وا و خاد کلوم شهادتشو اُ آنا پیروز بُدِت، اَسِی که آنایا حتی تا حَد مرگ هم، جونشو شُنسِه عزیز نِهاد.

و صدایی بلند تِک آسِمو اُمشُنُفت که شَگُت: «آلَه نجات و کُدرت و پادشاهی خدامو، و اِکتدار مسیح آنا اُندِ. اَسِی که آناکِه اُ کاکَیّامو متهم اَکو مِکِه شاو و راز تِی حضور خدامو اُ آنایا متهم اَکو، اُ زیر بِستَه بُدِ.

مِ اَژدَهای گاتا اُ زیر بِستَه بو، مِ مار کَدیمِنی که اسمُش ابلیس و شیطونِه، مِکِه اُ هَمَهِ دنیا گول اَزاد. آنا اُ زیر اُ زِمی بِستَه بو و فرشتَه‌یّاش هم شُمرَه اُ زیر بِستَه بُدِت.

پَ اَی آسِمونیا و اَی شمایی که شُن تِک زندگی اَکنی خارامی بِکنی! ولی وای اُ شما اَی زِمی، و اَی دریا، اَسِی که ابلیس وَ خشم گاتی تُنحَد زیر اُندِ، اَسِی که اَدو که وَختُش کامِه.»

اَلَه تِک آسِمو جنگ اُرُو اُفتَه. میکائیل و فرشتَه‌یّاش اُمرَهِ اَژدَها جنگ شُکِه و اَژدَها و فرشتَه‌یّاش جلووِ آنایا اَسِی جَنگِدَ وَایستَدِت،

مِ موکَوا اَژدَها از زِنِ تَریخ بو و چو تا خاد بَکیَه نَسل آنا، یعنی خاد آنایاکِه حُکمِی خدائا اَنجوم اَتِت و شهادت عیسی‌ئا نِگَه اَکنِت، جنگ بِکو.

یَک نِشونَه گاتی تِک آسِمو وَدی بو: یَک زِنی که خورشید شُبار هاد و ماه زِرِ پَی‌یاش هاد، و تاجی از دوازده‌تا اِستَرَ شُ لِی سِرَ هاد. مِ زنا حاملَه هاد و از درد زایمون و عذاب زایمون کال شَکِه.

مِ زنا یَک پُسی شُ دنیا اَئو، پُسی که کَرارِ وَ عصای آهنی اُ هَمَهِ ملتیا حُکم بِکو. ولی بَچُش اُ حَدِ خدا و تختُش بَرا بُردَ بو. و زن اُ بیابو، یَک جَی که خدا اَسِی آنا آمادَه اُشکِردِستاد، گُروخت، تا آنکا هزار و دویست و شصت راز شُ تی اُچِت.

یَک نِشونَه‌یدو تِک آسِمو وَدی بو: بِبِن، یَک اَژدَهای سرخ گاتی خاد هفتا سِرَ و ده تا شاخ، و لِی سِرَیّاش هفتا تاج اُشهاد. دُمُش یَک سوّم اِستَرَئِی آسِموئا جارِ اُشکِه و شُ لِی زِمی بَرِنَه. اَژدَها جلووِ لوی مِ زِنی که وَخت زایمونُش هاد وَایستَ، که وَختی مِ زنا بَچُش شُ دنیا اَئو، بَچ طَلَئَه‌ئا، اُ زیر هادَ.

ولی دوتا فلِ مِ عقاب گاتا اُ مِ زِنا دَدَ بو تا آنا، از مِ مارا اُ طرف بیابو فَل بِکو، اُ مِ جَی که کَرارِ اَسِی یَک زَمونی، و زَمونِی و نصف زَمونی شُ تی اُچِت. مار از کَپُش هاوِی چُنِ ریخونَه اَزدُم زِنِ شُدَر لِت تا سیل مِ زنا اُشبِبَه. ولی زِمی اُ کمک مِ زنا اُمَ و زِمی کَپُش واز شاکِه و ریخونَه‌ای که اَژدَها از کَپُش شُدَر لِتِستاد، شُ زیر دَ.