Popular Bible Verses from نامَه اوّل یوحَنا 4

Share

تِک محبتْ تِرس نی، بلکه محبت کامل تِرسا اُدَر اَکو؛ اَسِی که تِرس از مجازات اَدا و کسی که اَتِرسِه، تِک محبت کامل نِبُدِ.

اَی بَچیا، شما از خدا هی و اُ آنایا پیروز بُدِستی، اَسِی که آناکِه تِی شمائِه از آناکِه تِک دنیائِه گاتتَئِه.

اَما محبت اَکنِم اَسِی که اوّل آنا شُ اَما محبت کِه.

اَی عزیزیا، بِلگی اُ یَکُدو محبت بِکنِم، اَسِی که محبت از خدائِه و هرکَه محبت اَکو، از خدا اُ دنیا اُندِ و اُ خدا اَشناسِه.

کسی که محبت ناکو، اُ خدا ناشناسِه، اَسِی که خدا محبتِه.

محبت هَمِئِه، نِه اِکِه اَما اُ خدا محبت مُکِردِ، بلکه آنا شُ اَما محبت کِه و اُ پُسُش اُشفِرِستَ تا آنا کُربونِنی بِبِه که اُ واسطَهِ آنا گناهیامو بَخشِدَ بِبِه.

اَی عزیزیا، اَگَه خدا شُ اَما اینا محبت کِه، اَما هم باید اُ یَکُدو محبت بِکنِم.

محبت خدا اینا بین اَما آشکار بو، که خدا تنها پُسُش شُ دنیا فِرِستَ تا اُ واسطَهِ آنا زندگِنِ اَبَدی مُبِه.

اَگَه کسی بِگِه: «ما خاطر خدا مَئِه» ولی نَخچ کاکَی خوش اُشنِبِه، دروغگوئِه. اَسِی که کسی که اُ کاکَی خوش، که اُشدِدِ محبت نِکو، اُشناشابِه اُ خدایی که اُشنِدِدِ، محبت بِکو.

کسی که اُ زابو دارِ عیسی پُسِ خدائِه، خدا تِی آنا آمودِ و آنا تِی خدا.

حُکمی که از آنا مُگِرِتِه اِئِه که، هرکَه خاطر خدا شَئِه، باید خاطر کاکَشو هم اُشبِئِه.

اَی عزیزیا، اُ هر روحی باور مَکنی، بلکه اُ روحیا امتحان بِکنی تا بِبِنی که از خدا هِت یا نَه. اَسِی که بُری انبیای دارُوی تِک دنیا پَخش بُدِستِت. اینایی روح خدائا بِشناسی: هر روحی که اُ زابو بیارِ عیسی مسیح تِی جسم انسانی اُندِ، از خدائِه.

و هر روحی که اُندَهِ عیسی تِی جسم انسانیا اُ زابو نیارِ، از خدا نی. اِ مِ روح ’ضدّمسیحِه‘ که تُشُنُفتِ اَدا و هَمِ آلَه هم تِک دنیائِه.