Popular Bible Verses from انجیلِ یوحنا 15

Share

«مِه دارِ مُواِم وَ شِما تَل‌یا وَه. وَه کِه می‌مُونَه دِ مِه وَ مِه دِ او، میوَه زیاد میارَه؛ سی یَکِه جِگا دِ مِه، هیچ نَتُونیت بَکیت.

بَمُونیت دِ مِه، وَ مِه هَم می‌مُونِم دِ شِما. هِه چِنُو کِه اَر تَل دِ دارِ مُو نَمُونَه، نَتُونَه دِ خُوش میوَه بیارَه، شِما هَم اَر نَمُونیت دِ مِه، نَتُونیت میوَه بیاریت.

اَر بَمُونیت دِ مِه وَ کلُومِ مِه بَمُونَه دِ شِما، هَر چیئی کِه می‌حایت، باحایت کِه سیتُو موئَه.

شِما نِویئیت کِه مِه نِه انتخاب کِردیت، بَلکم مِه شِما نِه انتخاب کِردِم وَ شِما نِه قِرار دَم تا رُوئیت وَ میوَه بیاریت وَ میوَه شِما بَمُونَه، تا هَر چیئی کِه دِ بُوَه وِ نُومِ مِه باحایت وِ شِما عطا بَکَه.

محبتی گَپتِر دِ یَه نی کِه کسی جُونِ خُوشِه دِ رَه دوس‌یاش بِئَه.

هَر تَلی دِ مِه کِه میوَه نیارَه، او نِه قطع می‌کَه، وَ هَر تَلی کِه میوَه بیارَه، او نِه هِرَس می‌کَه تا بیشتِر میوَه بیارَه.

«هُدِ مِه یِنَه‌آ کِه یَکتِری نِه محبت بَکیت، چِنُو کِه مِه شِما نِه محبت کِردِمَه.

جِلالِ بُوَه‌ مِه دِ یِنَه‌آ کِه شِما میوَه زیاد بیاریت؛ وَ وِ چِنی شاگردِ مِه موئیت.

«مِه دارِ مُو حقیقی‌اِم وَ بُوَه‌م باغِوُونَه.

اَر کسی دِ مِه نَمُونَه، چی تَلی اَ کِه مُونَنِش وِ دیر وَ حُشک موئَه. تَل‌یا حُشک بی‌یَه نِه جمع می‌کَن وَ مُونَن دِ تَش، می‌سوزنَن.

ایی قِصَه‌یا نِه وِ شِما گُتِم تا شایی مِه دِ شِما هَم بوئَه وَ شایی شِما کامل با.

اَر هُدیا مِه نِه نِئَه داریت، دِ محبتِ مِه می‌مُونیت؛ چِنُو کِه مِه هُدیا بُوَه خُومِه نِئَه داشتِمَه وَ دِ محبتِ او می‌مُونِم.

هُدِ مِه وِ شِما یِنَه‌آ کِه یَکتِری نِه محبت بَکیت.

اَر هینِ دنیا بیئیت، دنیا شِما نِه چی کَسُونِ خُوش دوس مِی‌ئاشت. اما سی یَکِه هینِ دنیا نیسیت، بلکِم مِه شِما نِه دِ دنیا انتخاب کِردِمَه، دنیا دِ شِما بَیئِش میا.