Popular Bible Verses from انجیلِ یوحنا 14

Share

سی شِما صُل‌وُ‌سِلامتی مِئیلِم وِ‌جا؛ صُل‌وُ‌سِلامتی خُومِه مِی‌ئِم وِتُو. او چیئی کِه مِه مِی‌ئِم وِتُو، چی صُل‌وُ‌سِلامتیئی نی، کِه دنیا وِتُو مِی‌ئَه. دِلِ شِما پَریشُو وَ هِراسُو نوئَه.

عیسی وِش گُت: «مِه رَه وُ راسی وُ حیاتِم؛ هیشکَه غیرِ توسطِ مِه، نِمیایَه وِ تِه بُوَه.

«دِلِ شِما پَریشُو نوئَه. وِ خدا ایمُو داشتوئیت؛ وِ مِه هَم ایمُو داشتوئیت.

اما او یاوَر، یعنی روح‌القدس، کِه بُوَه او نِه وِ نُومِ مِه کِل می‌کَه، او گِرد چیا نِه وِ شِما یای مِی‌ئَه وَ هَر چیئی کِه مِه وِ شِما گُتِم، وِ ویرِتُو میارَه.

وَه کِه هُدیا مِه نِه دارَه وَ دِشُو اطاعت می‌کَه، وِنَه‌آ کِه مِه نِه دوس دارَه؛ وَ وَه کِه مِه نِه دوس دارَه، بُوَه‌م او نِه دوس دارَه وَ مِه هَم او نِه دوس دارِم وَ خُومِه وِش نِشُو مِی‌ئِم.»

وَ مِه دِ بُوَه می‌حام وَ او، یاوَری هَنی وِ شِما مِی‌ئَه کِه همیشَه وا شِما بوئَه، یعنی روحِ حقیقت کِه دنیا نَتُونَه وَه نِه قبول بَکَه، سی یَکِه نَه او نِه مِئینَه وَ نَه او نِه می‌شناسَه؛ اما شِما او نِه می‌‌شناسیت، سی یَکه وِ تِه شِما مالگَه می‌کَه وَ دِ وجودِ شِما می‌مُونَه.

وَ هَر چیئی کِه وِ نُومِ مِه باحایت، مِه او نِه اَنجُوم مِی‌ئِم، تا بُوَه دِ کُر جِلال پیا بَکَه. اَر چیئی وِ نُومِ مِه دِ مِه بِاحایت، وَه نِه اَنجُوم مِی‌ئِم.

«اَر مِه نِه دوس داریت، هُدیا مِه نِه وِجا میاریت.

دِ حُونَه بُوَه آسمُونی مِه، اتاق زیاد اَ، وَرنَه مَه مِه وِ شِما مِی‌گُتِم کِه مِی‌رِم تا جائی سی شِما آمادَه بَکِم؟

وَ اوسِه کِه رَتِم وَ جائی سی شِما آمادَه کِردِم، دُوارَه میام وَ شِما نِه مُورِم وِ تِه خُوم، تا اوچِه کِه مِه هیسِم شِما هَم بوئیت.

توما وِش گُت: «آقا، اِیما حتی نُئُونیم وِ کجا مِی‌ری، پس چطور تُونیم رَه نِه دُونِسوئیم؟»