Popular Bible Verses from نُومَه وِ کلیسا غَلاطیَه 4

Share

وَ دِ اوچِه کِه شِما اُولادیا هیسیت، خدا روحِ کُرِ خُوشِه کِل کِرد وِ مینِ دِل‌یامُو کِه دَنگ وِرمیارَه، «اَبا! بُوَه!» پس تو دَ غُلِم نیسی، بلکِم کُری؛ وَ اَر کُری، خدا تو نِه وارث کِردَه.

اما هِه کِه زِمُونِ تعیین‌بی‌یَه تمُومِ‌کمال رَسِس، خدا کُرِ خُوشِه کِل کِرد، کِه دِ یِه زَ وَ دِ قیدِبَنِ شریعت اُوما وِ دی، تا وِنُونی نِه که دِ قیدِبَنِ شریعت بییِن راهائی بِئَه، تا اِیما دِ مقامِ کُرُو حَقِ فرزندخواندگی نِصیوِمُو بوئَه.

اما ایسِه کِه خدا نِه می‌شناسیت، یا بیتِر اَ بُوئِم، خدا شِما نِه می‌شناسَه، چطور اَ کِه دُوارَه وِرمی‌گَردیت وا لا او قانون‌یا سُس وَ بی‌ارزشِ ایی دنیا وَ می‌حایت هَنی غُلِمِ وِنُو بایت؟