Popular Bible Verses from نُومَه وِ کلیسا اَفِسُس 4

Share

وا یَکتِری مِرَبونی بَکیت، دِلسوزِ یَک بایت وَ هِه چِنُو کِه خدا شِما نِه دِ مسیح بَخشَنَه، شِما هَم یَکتِری نِه بَوَخشیت.

دِ کمالِ اُفتایِه‌ئی وُ نَرمی، وا حوصلَه، دِ محبت یَکتِری نِه تحمل بَکیت.

دَمِتُو وِ هیچ قِصَه گَنی وا نوئَه، بلکِم کلُومِتُو وِ خوئی سی بِناکِردِه با تا هُوجِه‌ای نِه بَرطِرَف بَکَه وَ وِ وِنُو که مِی‌شنُوئَن فیض بَرَسِنَه.

هَر جور تَلی وَ تُنی وَ غیظ وَ قیژِقَژ وَ بُختُوم وَ هَر بدخوائی نِه دِ خُوتُو دیر بَکیت.

«غیظ بیرَه‌تُو، اما گُنَه نَکیت» نِئیلیت تَشِ غیظِتُو بَکَشَه وِ ایوارَه. وَ مِجال نِئیت وِ ابلیس.

تا شیوَه زِنِه‌ئی قدیمِ خُوتُو، یعنی او انسانِ قدیمِ نِه کِه وِ سُنَه هوی‌وُهَوَسِ گُنَه فاسد بی، دِ وَرِتُو دِراریت. وَ دِ روح فکرِ شِما تازَه با، وَ انسانِ نو نِه بَکیت دِ وَر، وَه کِه دِ صالح‌بی‌یِه وَ قدوسیتِ حقیقی، چی خدا آفریَه بی‌یَه.

تَقِلا بَکیت تا او یَکی بی‌یِه‌نِ روحِ خدا نِه دِ صُول‌وُسِلامَت نِئَه‌داریت.

وَ او رسول‌یا، انبیا، مبشریا، چوپُونیا وَ معلم‌یا نِه، دَه تا ایمُوداریا نِه سی کارِ خدمت آمادَه بَکَن، سی تقویتِ بدنِ مسیح، تا زِمُونی کِه گِردِ اِیما ایمُونِمُو یَکی با وَ شناختِ گِردِ اِیما دِ کُرِ خدا یَکی با، تا وِ ایی ترتیب وِ قدِ انسانِ کامل گَپ بایم، وَ وِ چِنی وِ قَدِ پُری قامتِ مسیح بَرَسیم.

تا دَ چی بَچُو نوئیم، تا موج‌یا وِ هَر لائی وورِمُو بِئَن وَ بایِ تعلیم‌یا جور‌واجور اِیما نِه وِ هَر لا بَکَشَن، وَ فِریوِ کِلَک وُ حُقَه‌یا مردِمی نِه نُحُوریم کِه می‌حان اِیما نِه دِ رَه دِرارَن. بَلکِم وا گُتِه‌نِ حقیقت دِ محبت، دِ هَر بابَت تا وِ حَدِ وَه کِه سَر اَ یعنی مسیح رشد می‌کیم.